事業曾不及老婆 林奕匡憑歌挽救感情

林奕匡（Phil）接受電視節目訪問，透露不時會為老婆李靄璣（Rikko）送驚喜。他更自爆曾因事業不及另一半而險分手。最後憑歌寄意，二人終克服難關。

「暖男」林奕匡為小儀主香港開電視節目《小儀與13型男》擔任嘉賓，二人到「毛孩守護者」做義工，一起洗狗籠、拖地及帶狗散步。小儀對於Phil更是有讚無彈，尤其當小儀餵狗食零食時，被狗隻「胸襲」，Phil即以自己身驅為小儀擋着狗隻，盡顯貼心暖男的一面。難怪小儀大讚他表示：「Phil冇100分，都有99分嘅暖男。佢同我擋住啲狗、保護住我，其實佢都奀佻佻，論身形橫度，我仲橫過佢，但佢用身體保護住我，令我覺得好Warm。」小儀認為「暖男」的定義，先是外表已有一種溫柔感覺，就好像棉花般，令人感覺舒服。

當問到Phil是不是很多人都讚他是暖男，Phil笑言：「大部分人都唔會刻意咁講我，但我覺得自己都有少少體貼、亦都會為對方諗好多嘢，不過仲有好多進步空間嘅，唔敢話自己係暖男，但都應該係『微暖』啦。」

從沒女尊男卑

當小儀問到Phil平日對太太李靄璣（Rikko）是否同樣窩心，Phil即甜絲絲表示：「未必每日都做到，但自己會花時間、心機去畀驚喜對方，驚喜呢啲嘢係有來有往。」回想未紅時，問到Phil有否介意當時擔任主播的Rikko事業較他順利，Phil擰頭說：「記得嗰時，啱啱有高清台，星期一至五朝早佢都係直播室講股票，嗰時去到任何電器舖，成排電視都播住佢，就連搭的士啲人都認得佢，我為佢感到自豪。」

雖然事業不及另一半，但Phil強調從來沒自卑感，不過因為事業問題，卻差點令到二人分開，他謂：「2013年有計劃出多次碟，有機會係最後一次，但佢都擔心我哋嘅將來，始終佢係一個女仔，需要幸福，嗰時佢同我講，要時間考慮應唔應該繼續一齊，我當時同佢講『你估我唔想你幸福咩？就算我係咪你另一半，我都希望你快樂，但我一無所有，我最珍貴嘅就係你』。」

分開的第二日，Phil將《Don’t You Remember》的歌詞電郵給對方，內容意旨留空間給予對方，希望Rikko能找回大家失去的感情碎片，能再走到一起。 Phil指自己每次說到這裏也會流眼淚，更直言：「你估我唔想，畀到幸福你嗰個係我咩！」最終二人克服難關，再次走在一起。

【#有禮送】下載 @ 流動新聞 📱手機APP！玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎！🤟