周秀娜學用日本武士刀 拍動作戲顯身手

周秀娜(Chrissie)於ViuTV原創劇《太平紋身店》有多場動作戲份,幸好平時有練開踢腳和出拳等,更於開拍前兩個月學習使用飛刀或日本武士刀等特別武器 ,務求盡量親身上陣。

周秀娜為動作劇學用日本武士刀。

周秀娜於明晚播出的一集ViuTV原創劇《太平紋身店》,毅然勇衝陣地拯救駱振偉 ,更與敵人展開激烈槍戰。她表示接拍時已知道劇集有頗多的打鬥場面,笑言自己雖毫無功夫底子,但慶幸仍可應付得來:「自己平時都有做開運動,加上學咗幾年Kickboxing,踢腳、出拳等等都有練開。所以就算做動作戲都可以好快上手。」

周秀娜動作戲連場大顯身手。

Chrissie又指因應劇情需要,亦有抽空上堂學習使用一些特別武器:「喺戲入面,我都會用到飛刀或者日本武士刀之類嘅武器。因為自己唔係好熟悉,所以就提前兩個月去上堂了解同學習呢啲武器點用。」她表示希望自己可以盡最大限度親身上陣。被問及會否害怕刀槍和爆破場面,Chrissie笑言拍攝團隊一定會做好所有安全準備才開始拍攝,事前亦有充裕的時間作溝通,所以完全不擔心會出現問題。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟