《呼吸有害》圓大滿貫 莫文蔚望今年再踏紅館完巡唱

莫文蔚(Karen)於昨晚舉行的 《2020年度勁歌金曲頒獎典禮》,憑《呼吸有害》再下一城勇奪「勁歌金曲金獎」。於各大頒獎禮上囊括多個大獎的她,亦成為2020年度奪得大滿貫成績的歌手。Karen表示最希望今年可於紅館完成最後一站巡迴演唱會。

莫文蔚憑《呼吸有害》奪得《2020年度勁歌金曲頒獎典禮》「金曲金獎」。

莫文蔚主唱的《呼吸有害》推出時已連奪五台冠軍歌寶座,加上早前獲頒發的新城「勁爆歌曲獎」、商台叱咤「至尊歌曲大獎」及港台「全球華人至尊金曲獎」後,昨晚在無綫《2020年度勁歌金曲頒獎典禮》上,贏得「勁歌金曲金獎」殊榮。Karen在台上興奮表示:「可以拎到呢個獎我好興奮,佢唔淨係代表 《呼吸有害》呢一首歌嘅成績,對我嚟講呢個獎係象徵我廿幾年嚟付出嘅每一點滴嘅努力,同埋大家俾我嘅愛,都係晒呢個獎裏面。我從來未試過喺香港唱電視劇主題曲,多謝樂小姐邀請我,我仲要多謝創作班底同埋Sony Music,更要多謝我媽咪,因為我好難得喺香港,可以喺我自己嘅家鄉多謝我媽媽。」《呼吸有害》Karen成為2020年度橫掃所有大獎的歌手。

莫文蔚的《呼吸有害》在各頒獎禮上囊括多個大獎。

Karen多年未有推出廣東歌,至去年推出《呼吸有害》即唱至街知巷聞兼橫掃獎項,問到Karen可會因此想再多做廣東歌,她大派定心丸道:「我一直都好想做多啲廣東歌,並唔係因為今次呢首歌有呢個咁好嘅成績先想再做,其實係因為每個階段遇到唔同嘅音樂伙伴都會有影響我做嘅歌曲。好似最近我同Edward Chan及Terry Chan合作多咗,咁都會影響我嘅音樂方向。大家可以放心,2021年一定會有全新廣東作品推出。」

多個頒獎禮成績已塵埃落定,來到2021年,Karen表示最希望可以踏上紅館的舞台,與樂迷再聚首一堂,她說:「今年最希望可以完成香港嘅演唱會,因為呢個係我『絕色』Tour嘅最後一站,亦都係我最後一次開大型演唱會,好希望可以喺香港呢個地方,我嘅出發地畫上一個完美嘅句號。」Karen又表示她一直都有錄製新歌,預計今年上半年大家便有機會聽到,樂迷記緊拭目以待!

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟