陳健安新專輯被歌迷惡搞「未GGG」

陳健安(On仔)今個月推出第二張個人專輯《未知之知》,但就被歌迷笑稱為《未GGG》。On仔未有介意之餘,仲讚歌迷有創意。

On仔新歌被歌迷惡搞成《未GGG》。

一向好多創新概念的陳健安今次拍攝唱片封套照片時,除了會出現一個他的倒模面具外,更會大擔地將孩童玩意「鬼口水」加入拍攝。On仔解釋:「唱片封套的概念好特別,今次我要求比較顏色豐富一啲,繽紛同多一啲色彩,冇想過攝影師可以將『鬼口水』拍得咁靚,大家小時候可能都有玩過,好似拉麵咁拉吓拉吓。另外仲有我個倒模面具啦個個!想知道似唔似我就要買張唱片嚟睇吓。」

陳健安新碟封面照大玩鬼口水 。

專輯名稱《未知之知》讀起來要字正腔圓咬字正確實不容易,在On仔的歌迷群組中被粉絲笑稱為「未GGG」,On仔也讚賞歌迷有創意,他對此全不介意,並說:「呢張唱片個名比較特別,其實係一個旅程來的,面對未知你可以有好多唔同心態,你可以恐懼,但亦可以好似背包客咁,對未來發生嘅充滿好奇。呢幾年我有好多決定,靈感係來自夢境,在真實世界中用行為對夢境作出回應。唔知點解我發夢成日見到好多動物,所以創作總監特別搵晒啲動物嚟陪我影相。因為疫情原故,所以呢一年我同大家一樣係多咗時間WFH(在家工作),但因為咁樣我同每一首自己創作嘅歌都多咗時間相處,亦都學多咗好多幕後知識,第一次參與編曲,試過對住部電腦十幾日做demo。」

On仔為今次的封套,早前嘗試倒模滋味。

因為疫情影響,On仔新唱片推出的發布會,將於明晚(19日)晚上9時以網上直播形式進行,屆時會直播現場表演。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟