Michael C為拍出靚MV 靠意志對抗肚餓

唱作男歌手Michael C推出今年首波派台新歌《黑犬默語》,他為了MV有最佳效果,竟由早上開工捱餓至晚上。雖然消耗不少體力,但他靠精神一直支持至收工。

Michael C為了新歌MV有最佳效果,由朝捱餓到夜晚。

《黑犬默語》是Michael C的第三首推出的作品,亦是他親自譜曲寫詞的歌曲。今次的MV卻帶給他很多新鮮的體驗,他說:「今次拍MV轉咗幾個場景,有戶外又有室內,其中我哋租咗間洗衣舖cafe嚟拍,同我以往拍嘅有啲唔同,以前可能戶外就一直keep住戶外拍咁,今次會轉地方,變咗今次好似有好多場景,對我嚟講好新鮮。」而Michael C為了這個MV,一直注重體形管理的他,為了上鏡效果更好一點,由朝早開工起便一直不敢吃東西,直至晚上近11時收工才敢去醫肚,令他十分難忘。Michael C笑言拍足十幾個鐘,又要轉景還要無嘢落肚,體力上雖然消耗不少,但就靠精神上支持,希望可以拍出一個好效果的MV。

Michael C新歌MV有戶外及室內場景。
與小狗演對手戲

今次Michael C在MV中的另一個新挑戰,就是演戲。一直專注玩音樂的他,今次不單要自己同自己做對手戲,又要扮櫥窗公仔,還要與被喻為「最難搞的對手」之一的小狗演對手戲,對Michael C這位演技初哥來說,可算是個「越級挑戰」!Michael C說:「今次做呢個MV時,情緒轉變都好大,由MV一開始時,以一個最自然嘅狀態,去到後尾變得好憤世、好 Emo,要搣爛晒啲poster去發洩咁,但成件事係好愉快嘅,同埋MV個感覺都好襯自己首歌。」

Michael C要與小狗演對手戲。
藉新歌引發思考

歌曲以很多人見樣就怕幾分的黑犬為主角,形容好像黑犬的人們,歌詞中也有提到「其實盼你懂 卻害怕太過赤裸裸」,Michael C想帶出這班被誤解的黑犬,都有着矛盾的心態。Michael C說:「好多人只係用自己嘅一套去認定一個人嘅特質,又或者面對社會好多事情你話係乜就係乜,但事實往往唔係佢哋所想,不過被誤解嘅黑犬又唔夠膽show晒俾你睇等你明白,因為好驚過咗自己底線。」他更希望可以藉着新歌引發大家思考:「若被誤解,我哋應該發聲,還是選擇沉默呢?」

Michael C話藉着新歌引發大家思考。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟