葉巧琳開網上音樂會 多次感觸落淚

唱作女歌手葉巧琳(Mischa)舉行網上音樂會,獻唱多首包括自己以前創作的歌曲,期間更多次感觸落淚。

葉巧琳舉行網上音樂會。

唱作女歌手葉巧琳早前完成ViuTV選秀節目《全民造星III》後,已經急不及待推出新歌《浸浴》,昨晚她更舉行網上音樂會《Unbox Live series – Mischa Ip葉巧琳》。

Mischa今次特別邀請到「組員」顧定軒(Zeno)擔任嘉賓。她先以一曲《水舞間》開場,Zeno隨後在Mischa身後的大箱子出場。二人即場合唱《毛球》,他們都為首次live合唱感開心,Zeno更坦言心情緊張,閒談時更變得有點口窒窒,場面搞笑。Zeno獨唱了孫燕姿的《遇見》後,Mischa仍可以與對方開玩笑,但後來情緒被觸動到,反而變成她自己先喊!Mischa哽咽着說:「想藉住呢個機會唱一啲我以前寫嘅作品,嗰時可能冇乜人聽到,好希望大家可以聽到我哋嘅作品……」此刻Mischa已落淚,她極力忍淚,粉絲也不斷留言為她打氣,之後便唱出與好友Mike合作創作的《神把眼淚都留給了人》、《殘渣》、《能見度》和《二人份》等幾首舊作。

葉巧琳於坐在佈置成浴室的箱子中支持照顧定軒。

Mischa臨尾唱出新歌《浸浴》後,再度邀請Zeno登場,此時,Mischa再度眼濕濕,她又笑又喊地解釋說:「好想將首歌送畀所有人,所有想喺人生裏面想重新嚟過、將一啲放低,或者去面對最真實嘅自己、接受嗰個自己嘅人,就好似我哋要擁抱返自己,重新開始過。」

不翻唱別人歌

Mischa在騷後坦言,很難得有機會舉行一個真正屬於自己的音樂會,可以唱自己的歌,不用翻唱別人的歌。提到她在騷上多次落淚,她笑言:「唔知點解,可能觸動到條神經,一望住Zeno就想喊……」Zeno則指自己因為心情太過緊張,本身也沒有打算喊,但看到Mischa喊得很厲害,自己也有被感動到,他補充指:「唱嘅時候都好感動,但係其實我哋互望,尤其唱《遇見》嘅時候,諗番起好多《造星III》嘅時光,亦都因為個節目,令到我哋認識,所以多謝Mischa可以share呢個舞台畀我,然後我好似可以完成更多音樂上嘅嘗試畀大家。」

葉巧琳與顧定軒合唱。

Mischa對Zeno可以擔任嘉賓感到十分開心:「真係好開心Zeno可以嚟到,我哋兩個之前都冇認認真真咁唱過一首歌,所以我覺得我哋可以把握呢個機會,可以cover多啲歌,可以互動玩多啲。」Mischa更感嘆在現時狀態,能夠做到一個演唱會是件難事,加上唱片公司認真為Mischa籌備,包括場地佈置、音響、攝錄器材等,而音樂會的工作人員全都曾與Mischa合作過,令她可以好好享受演出。

Zeno透露很開心獲Mischa邀請,他形容為「有一種好完滿嘅感覺」,原來Zeno與Mischa在參加《造星III》時已提過錄翻唱歌,但沒想過Mischa這麼快便舉行演唱會,還會邀請自己做嘉賓,所以他也不敢怠慢,特地找老師學唱歌,事前準備亦做足,獲Mischa讚他乖仔。講到未來的合作,他們都異口同聲表示有興趣合唱,更答應粉絲,會多錄歌給大家聽,還叫粉絲提出想聽的曲目。

顧定軒開心可以擔任葉巧琳音樂會的嘉賓。
犧牲皮膚護聲

身為音樂會的主角,Mischa當然亦準備十足,由於近日天氣轉冷,Mischa十分擔心自己會病倒,她說:「真係好驚會病,近幾日好凍,尤其係我住新界地區就更加再低一、兩度,所以我犧牲咗我嘅皮膚,嚟護住自己把聲,就係長時間開着暖氣,但另一方面又怕太乾,要開埋加濕器,瞓覺要加毯,加埋貓貓瞓喺心口,超暖!我覺得作為一個歌手,最緊要好好take care自己把聲,因為呢樣嘢冇咗就唔可以做到任何我應該做嘅嘢。」話雖如此,但Mischa並未戒口,這位「辣妹」一如平日食辛辣食物,幸好無影響歌喉。

Mischa與Zeno因參加《造星III》變成好友,他們坦言參加後確有改變,Mischa說:「我要堅持住自己想做嘅嘢,但都會攞一個平衡點,俾大家睇到多啲唔同面嘅我。其實每一round比賽都俾大家睇到唔同嘅我,有驚喜,亦睇住我成長。不過我的確有少少唔習慣,因為未習慣有咁多attention,起初都擔心個live會冇人嚟睇,但收到好多支持message,見到咁多人支持我,好開心同好多謝大家。」而由模特兒轉型做演員、再挑戰唱歌的Zeno則坦言:「我真係越嚟越鍾意唱歌,我覺得之前喺舞台度搵返好多信心,希望用音樂或唔同類型嘅途徑去擺多啲自己嘅創作,俾畀多啲唔同嘅一面畀大家睇到。」

葉巧琳曾擔心因天氣轉冷而會病倒。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟