江伊晴出道被貼街招 父母急忙撕走

江伊晴(Elaine)於ViuTV新節目中,自爆當年剛入行時,因負面新聞而被人於住所樓下貼街招,父母在她回家前要全部撕下。

江伊晴自爆出道初期受負面新聞影響,被貼街招。

「07同學會」的其中三位歌手:陳柏宇(Jason)、江伊晴(Elaine)及徐智勇(小肥)為ViuTV全新節目《歌手 • 門》擔任嘉賓,分享入行故事和各種趣事。Elaine指最難忘的地方莫過於舊居附近電車路,初出道的時候就是靠聽着音樂遊電車河去紓緩感情:「當年初出道就有好多負面新聞,試過被誤解到遍體鱗傷。十年之後,屋企人先講返話原來嗰陣屋企樓下因為負面新聞而被貼街招,寫咗好多難聽嘅說話。爸爸媽媽好驚我會見到,所以喺我返屋企之前就會搣哂佢。」

「07同學會」的其中三位歌手:陳柏宇、江伊晴及徐智勇分享入行趣事。
江伊晴初出道時候靠聽着音樂遊電車河去紓緩感情。

小肥表示最難忘的歌曲就是《門戶之見》,指第一次聽到此曲就忍不住落淚:「其實當年呢首歌係龍世傑同蘇耀光特登寫俾我。大家覺得某種戀愛唔OK,所以造就咗一啲所謂門當戶對。一個表態、表達點解唔可以大聲講出嚟呢?」他感嘆性少眾人士每日都要面對不同的「門戶之見」,當時身同感受因而落淚。

小肥表示首次聽到《門戶之見》身同感受,忍不住落淚。

三人又提起過往公司一些「特別」規矩。小肥笑言全因第一次與黃柏高(Paco)見面時「懶斯文」戴眼鏡,所以自此公司規定小肥要以這個形象示人。另外,Elaine示範當年公司指定影相的三個表情,令全場忍俊不禁。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟