李健宏佛堂收𡃁要扮有氣勢

李健宏(KB)於網劇飾演江湖大佬,他坦言平時整蠱人,故覺得今次角色較難演,要扮到好有氣勢。不過,他最難忘可以在佛堂「收𡃁」。

KB(中)最難忘在這間佛堂拍戲,勁有feel。

KB平日多數拍整蠱人節目,但今次在hmvod網劇《把砒霜留給自己》單元《豆花的故事》中,飾演一個「串串貢」的江湖大佬,對他而言並不輕鬆,他說:「擺到明個人冇咩氣勢但要扮到好有氣勢,但幾好玩,真係嘗試唔同角色,比起整蠱人扮江湖大佬比較難,整蠱人都係做返自己,但做江湖大佬真係要去演,希望下次可以演得再兇神惡煞啲。」

劇中KB要去九龍城一間佛堂拍收𡃁戲份,他覺得這是個很難忘的經歷:「嗰個地方非常香港style,間佛堂好有feel,裝修又懷舊,以前睇其他人喺呢類場景拍戲,依家可以自己喺度拍好開心,最正係可以喺嗰度做一次收𡃁。」

KB(右)飾演一個「串串貢」的江湖大佬。

《豆花》講述鄭健樂開了間大隻佬豆花舖,經常騷肌賣豆花,吸引不少街坊幫襯,本來都幾好生意,但偏偏遇上惡霸收樓。飾演社團大佬的KB收了幾個後生仔林慧韡(達哥)及陳子豐等做𡃁,企圖「兇」走鄭健樂,結果竟獲神秘人打救豆花舖,仲將KB等人打到一仆一碌。導演劉翁坦言只得《豆花》劇情最落地,劇情涉及香港土地問題、失業高企,題材貼地而且生活。

鄭健樂開大隻佬豆花店。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟