葛民輝上小儀節目自爆學生時代戀事 稱因暗戀女同學留陰影

由阮小儀主持的香港開電視新節目《小儀與13型男》,最新集邀請「長情型」葛民輝擔任小儀的約會對象,甫出場,小儀以80年代造型上陣,被葛民輝嘲似「伯爺」年代,還笑言:「小儀會唔會係我約會對象嘅type類型)?體形係問題嚟,出街嗰陣,弊喇!點解自己拖咗個小露寶出街咁!」

小儀與葛民輝「約會」,首先重遊葛民輝成長舊地,期間葛民輝更大爆讀書時的暗戀對象,他笑說:「因為讀書太叻,好快就溫晒書,冇嘢做咪『溫』女,嗰時我做班長,有個女同學,老師話佢體弱多病,需要多加照顧,我就開始暗戀佢,但有一日佢送咗個汽水蓋俾我,上面寫住三藩市,同我講話要移民!自嗰次情傷後,覺得自己唔應該喺世上談戀愛,係要等啲女嚟『戀』我。」

隨後,小儀又跟葛民輝學踩滑板,問到葛民輝踩滑板是否能識到很多女生,他表示不會:「儍啦,踩滑板唔會識到女仔,滑板仔成日都好似好窮咁。」

跟葛民輝牽手約會,小儀大叫難得,表示第一次近距離觸及對方,她謂:「識咗葛民輝咁耐,第一次同佢咁近,莫講話拖佢隻手,以前離遠叫佢都好興奮;拖佢手感覺好親切。其實自己讀大學時都幾喜歡軟硬(天師),不過他們當中,我會鍾意Jan(林海峰),因為公子啲、靚仔啲,但亦好喜歡葛民輝嘅親切。」

談到感情觀,葛民輝表示自己是一個好保守及傳統的男仔,他說:「我嘅戀愛歷程唔順利㗎,有時以為自己睇得通,但人係會變,往往一段關係都會有好多考驗,要懂得去遷就對方。」

阮小儀邀請了葛民輝做嘉賓。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟