陳健安拍新碟封面死過翻生 泥槳倒臉連呼吸都難

歌手陳健安(On 仔)自首張個人專輯《本原》大受好評,並連奪兩個電台的唱作人獎項後,一直忙於為一月中發佈的第二張個人專輯創作新歌,因為首張專輯成績不錯,所以On仔製作每首新歌時都絞盡腦汁,豈料最大的挑戰竟然在最後拍攝唱片封套時,而且真的死過翻生才能完成拍攝任務。

On仔說:「今次張唱片嘅封套設計概念好特別,呢個我先賣個關子,但其中最大挑戰係需要為我整個面部造一個倒模。我要躺在一張類似手術椅的長椅上,幸好首先為耳朵造模,俾機會我適應一下,而且可以學習用口含住幼小吸管呼吸,不過之後就要為整個面部倒模,面具造型師事前已經聲明,有些人若有幽閉恐懼症的話,會因而受驚甚致情緒崩潰,幸好只係封閉十分鐘,我都唔知自己有冇幽閉恐懼症,希望我冇啦。」

説罷On 仔隨即躺在長椅上,造模師馬上將粉紅色的泥槳倒在On 仔的臉上,連鼻孔亦慢慢被封,而 On 仔只能含着兩條幼小吸管,一邊呼吸一邊發出哼聲,幸好十分鐘左右後造模師宣佈一 take OK 完成任務不需重造,On仔才放下心頭大石,大呼有死過翻生感覺。

On仔説:「我剛才真係有啲驚,好彩有同事陪我傾計又有音樂聽。以前完全冇咁嘅經驗,最接近嘅感覺應該係之前做面部護理療程,雖然成個過程塊面都涼浸浸,但因為鼻孔都封住,所以我剛才真係有恐懼感,心跳有加速,特別係鼻孔被封住之後,驚冇辦法呼吸,有接近死亡嘅感覺,不過依家我重生啦,死過翻生。Yeah !

陳健安悉心準備新專輯。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟