【晚吹】林曉峰節目大飲醉攬女秘聞 藝人「千杯不醉」全靠它?!

(電視截圖)

日前,ViuTV晚吹系列節目《有酒今晚吹》邀請來近期受婚變事件影響的林曉峰(Lo),雖然與前妻康子妮關係破裂,但在節目的表現也似乎走出陰霾。席間,他更大談醉酒後發生的趣事,初入行時的他酒量認真麻麻,一小杯的威士忌就足以令他不省人事。阿Lo透露酒量之所以突然提升,全靠「獎門人」曾志偉的訓練,而台灣藝人邰正宵亦傳授一招千杯不醉的秘技。

阿Lo回想起初入行某次的宴會中,「獎門人」曾志偉要求他向電視台高層敬酒,而在他面前的是7大杯啤酒,作為後輩的他不敢拒絕最終醉倒在酒樓:「獎門人話呢度有7位電視台高層,敬酒,每人一杯,以為係普通啤酒,點知係7大杯。最初以為一杯敬咁多位,原來係一個人一杯,膀胱要爆。喺酒樓攤咗一個鐘。」主持之一的練美娟隨即追問阿Lo:「而家飲醉會做咩?」阿Lo毫不忌諱笑指:「攬女人!」

阿Lo再談到「浩南」鄭伊健和「山雞」陳小春在慶功宴上會搶着飲酒,當中鄭伊健更堪稱為「酒筲箕」:「伊健好飲得,佢係千杯不醉酒筲箕。佢飲完會不動聲色坐喺度,好似冇嘢咁。但如果佢再唔走咁就出事,佢最醉一次係,都係坐喺度,轉個頭話『畀個酒桶我』,之後嘔滿三個酒桶。」

席間,阿Lo提到第一次到大西洋城登台,同行的有劉小慧、劉雅麗以及台灣歌手邰正宵。邰正宵指出埠工作難免要應酬,更傳授一招千杯不醉的秘技給他,阿Lo說:「好多時都會叫你飲酒,排住隊灌醉你時,邰正宵就話記得喺個袋放一條白毛巾,一去度咳兩聲話『我喉嚨唔舒服,因為唱完歌做完嘢』。每飲一啖就咳落白毛巾度,將啲酒吐落去。佢話千祈唔好用有顏色嘅毛巾,會引起人懷疑,飲少少就咳,人哋先會覺得你真係咳。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟