原子鏸陀B照玩瑜伽 嚇壞老公

去年9月宣布跟摩洛哥籍丈夫Mehdi El Ajimi「一索得男」的原子鏸(Marsha),日前趁大肚留倩影。她表示懷孕期間都仍然會做瑜珈,雖然嚇壞老公,但她謂做完瑜伽後,感到BB亦有跟着郁動。

原子鏸趁大肚留倩影。

原子鏸的預產期為今年三月,雖然她腹大便便,但體態依然纖瘦,名符其實的肥肚不肥身。Marsha表示已沒有早期的妊娠不適,現時感覺良好,惟每次飽肚時會有「頂住」感覺,她說:「個肚愈來愈大,食飽更加覺得好似頂住,抖唔到氣咁,要趴喺度抖,所以我嘅食量冇話特別多,同以前差不多,但晚餐唔會食太多。」而Marsha透露亦有一直做瑜伽及散步,每日差不多做兩、三小時運動,她說:「本身喜歡做運動,唔想自己會好腫,所以日日都有運動,其實我做完瑜伽之後,發覺佢(BB)喺肚裏都會郁好多,好似喺肚裏做瑜伽咁。(老公有冇支持你做瑜珈?)支持,但一開始佢都有啲驚,老師都叫我小心啲。」

原子鏸的懷孕都堅持做瑜伽。
父改中文名

疫情肆虐,未知陀B的Marsha可有格外小心?她說:「都會有,去街返屋企第一時間洗手、沖涼。」問到身在美國的媽媽鄭佩佩可有緊張她懷孕?Marsha說:「媽咪冇特別緊張,不過我哋每日都會電話聯絡,佢喺美國都好少出街,由二家姐照顧佢,我生完之後一定會帶小朋友去美國見佢。我當然想媽媽喺身邊,但冇辦法啦。(媽咪有冇教補身?)媽咪話佢完全唔記得啲嘢。(媽咪有冇幫BB改中文名?)媽咪冇要求,中文名留畀我爹哋去諗,如果唔畀爹哋諗,佢會唔開心。」

腹大便便的原子鏸面對疫情肆虐,會格外小心。
想BB似老公

現時Marsha還未添置BB的物品,因為在一月,Marsha屋企會進行裝修,她說:「都係油吓油、加度門,搬走啲傢俬,到時我哋會搬去另一個地方住兩星期,等啲裝修味冇咗就返嚟住。」而問到產檢時有冇見過BB的樣子,究竟是似爸爸定似媽媽?Marsha表示:「有照過,但淨係見到BB個鼻,佢(BB)用手遮住個樣,其實我想佢似老公,男仔嚟想佢Man啲,想佢好似我老公咁曲髮,但老公就話想佢似我會靚啲。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟