鄭伊健新歌MV雲集80舞者 蘇麗珊有份參演高呼如紅館Show

鄭伊健2021新一年先拔頭籌推出全新歌曲《STRONGER》,配合他為金融集團拍攝的新一輯廣告,為呼應歌曲充滿活力輕快調子,導演特別找來蘇麗珊Cecilia)與八十位年輕舞蹈員載歌載舞一起拍攝。面對着現場如此龐大的舞蹈團,Cecilia也感到十分雀躍,她說:「從來冇想像過可以同咁多咁專業的舞蹈員一起合作演出,好似紅館開演唱會一樣,希望將來我都有機會喺舞台上同咁多舞蹈員演出。」

鄭伊健與蘇麗珊和80位舞者拍MV。

在旁的伊健也說:「其實紅館開演唱會都冇咁多舞蹈員,平時大概二十人左右,所以今日真係好開心,咁多年輕人一齊跳,大家都付出好大嘅能量。不過衫靚就唔好跳,鞋靚就唔好着,Cecilia你就好啦着波鞋,好似我今日着呢對鞋就係又重又難郁,所以跳舞時真係有苦自己知。」

鄭伊健與蘇麗珊合作。

為防範疫情,工作人員不時在錄影廠內噴灑消毒噴霧,全體工作人員進入廠門時,均需接受「自動消毒機」噴灑酒精噴霧消毒,過程十分快㨗又安全,是以每次休息過後,廠門前均會出現一條小小的人龍排隊消毒。伊健指出,因為疫情原故,所以他們拍攝時也非常小心,做足安全措施,伊健説:「好開心大家可以一齊工作,大家都有工開有嘢做。睇住大班年輕人一齊喺陽光下跳舞,就好似我哋同香港人一齊經歷,無懼挑戰難關咁樣。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟