【新城2020】提前頒發!J.Arie獲「勁爆獨立音樂人」

(官圖)

有機會攞到獨立音樂人獎,雷深如J.Arie覺得自己只係佔左少少功勞,最主要係要多謝有一班戰友同網民撐住佢!係佢哋肯同J.Arie一齊做音樂同埋將今年嘅《雙面哈菲》同埋《陰陽道具》狂share出去,先成就到今日。做indie, 精神上唔太辛苦,因為心態上比起喺唱片公司嘅時候唔同咗好多:首先J.Arie要求自己係發自內心咁寫歌,寫完出嚟要自己夠鍾意,先至會俾首歌出街,所以已經唔太計較結果,當然如果網民鍾意嘅話就係一個大bonus!

另外就係要儲錢做歌!J.Arie 今年出咗兩首歌《雙面哈菲》同《陰陽道具》,自資左20幾萬。本身唔係有錢,每一分一毫都係喺唔同方面賺返嚟:寫歌俾人,補習,直播……都係血汗錢同埋心機,只求做到自己一直想做嘅音樂,係充滿玩味既。短期目標係希望兩年之內可以出到一隻concept碟,俾自己喺音樂嘅里程做一個留念!希望到時樂迷真係會支持實體碟!

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟