張繼聰爆電話攻勢追謝安琪 為老婆平反非「女追男」

張繼聰為小儀的新節目擔任首集嘉賓,更為老婆謝安琪(Kay)平反,否認是「女追男」。他大爆第一次看到女方的MV時,已以電話攻勢主動追求對方。

張繼聰上小儀新節目,大談與老婆謝安琪夫妻相處之道。

由阮小儀主持的香港開電視新節目《小儀與13型男》,節目安排十三位不同類型的型男跟小儀約會,而首集嘉賓便邀請了「愛妻型」張繼聰擔任小儀的約會對象。為博小儀「紅顏一笑」,張繼聰可謂出盡法寶,除出動私伙電單車載對方遊車河外,還獻出自己第一次調酒給小儀,令小儀大叫榮幸。

需時刻保持新鮮感

張繼聰自感是一個合格的男友,他說:「每一個男人着緊另一半嘅話,都會想佢開心,會諗一啲驚喜畀對方。當時間長咗,戀情變成感情時,更需要浪漫時刻去保持關係新鮮。」期間小儀問他覺得自己是哪類型男士時,張繼聰笑說:「好多人覺得我係搞笑、肌肉型,其實我覺得自己係文青型、家庭型。」小儀聞言即大派檸檬表示:「睇唔出你係文青型,但絕對係家庭型,尤其是你有自己家庭後更明顯,所以我會覺得你係『愛妻型』。」

小儀讚張繼聰是「愛妻型」男人,多於肌肉型。

張繼聰又大談跟太太謝安琪初相識的情況,自爆是自己先迷戀對方,否認網上「女追男」的傳聞,他說:「雖然我哋係同一間中學,但唔同屆唔認識,網上流傳佢追我嗰啲係假嘅,真相係我哋同一年嘅新人,佢派歌先過我,我聽到佢嘅歌,覺得正喎,即被呢個女仔把聲同質感所吸引,把聲咁正,通常個樣都唔差。」他指在電視第一次看到Kay的MV時,覺得女方正,於是主動去追Kay。

張繼聰於節目中主動為老婆平反。

被問到當年以甚麼手法追Kay,張繼聰表示以傳統的傾電話攻勢:「同佢講電話,記得有次喺電話約佢睇戲,點知佢三日都唔覆我,我於是嬲嬲地問佢點解唔覆我,佢話嗰套戲唔喺特別想睇,所以咪唔覆囉,我覺得佢好有性格,令我更加鍾意佢。」談到太太,張繼聰總是一臉甜絲絲,他指雖然二人結婚多年,但太太仍會叫他記着初次見面的感覺,而他亦會努力經營保持着拍拖的感覺。

張繼聰與老婆謝安琪仍然恩受。(資料圖片)
電單車是最好第三者

談到二人夫妻相處之道,張繼聰指:「太太係最好嘅朋友,因為日日都會對住,我同太太都唔係物慾嘅人,買禮物係氹唔到對方開心,反而共度假期比較重要,好似有一年情人節喺尖沙咀碼頭攞住支結他Busking,唱歌畀太太聽,其實都驚㗎,但印象好難忘。」提到他的嗜好是玩電單車,張繼聰形容車是最好的第三者,他說:「男人玩好多嘢都可以好大件事,不過玩車最緊要安全,最好唔好太揮霍,太太又鍾意坐嘅話,成件事變得好浪漫,所以車係最好嘅第三者。」

張繼聰指電單車是最好的第三者。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟