【諸朋好友】重提7年前醉酒險死 歐陽震華:我走㗎喇!

(電視截圖)

現年60歲的資深藝人歐陽震華(Bobby)在較早前與宣萱一同應邀,到無綫清談節目《諸朋好友》作客,而昨晚(20日)播出續集,席間,主持崔建邦問到當年Bobby被指飲酒過量而險死事件,Bobby毫不諱言:「出面好多外界傳話我飲酒、飲得多過頭、中酒精毒呀…… 但係,講真,出面咁多記者,有冇一張相係影到我抬住走㗎?」崔建邦立即回答:「冇!從來冇!」

Bobby在節目中承認他當晚的確飲了少量酒,「好多人話我飲醉酒,我承認嗰晚係飲咗少少,但都未開始!嗰排我就拍緊嗰套《情逆三世緣》啦,比較攰。我記得嗰晚係年初二嚟,咁年初一瞓咗一晚,年初二仲唔猛鬼出籠?首先開餐,我記得嗰晚係食我鍾意麻辣火鍋,嗰兩個鐘頭都係不斷咁食,飽都要食呀!因為初四開工,唔知幾時有得食!」

Bobby指,飽餐一頓後他前往朋友屋企,未齊人前飲了少量酒,然後打算小歇一會,更著家人到齊人後叫醒他,「啲人都未到,飲少少。(之後)可能下意識吞咗一啖入肺度,造成肺炎。(入咗氣管?)係啦!塞咗個肺啦!咁都唔知㗎!後尾再叫我呢,我屋企人都見到我面都紫埋啦!可能再遲啲呢,(身體)就硬咗㗎啦,唔係凈係青晒,(之後)送我去醫院。」

幸好家人及早發現,Bobby才幸運得救。他透露,當時自己尚存部分意識,但已身處彌留狀態,不但感受到靈魂出竅,能看到病床上的自己,更一度被醫生判定死亡,「醫生同我講話:『你天濛光嗰陣時已經走咗㗎啦,但你8、9點又返番嚟。』佢哋睇數據,血壓返嚟,咪即係返番嚟囉!」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟