【全民造星III】許廷鏗令Judas開竅 網民大讚評語有營養

(電視截圖)

ViuTV新派選秀節目《全民造星III》昨晚(10/12)播出的一集中,Judas在表演即使只擔當支援角色,仍願意將最真實的情感抒發出來,甚至忍不住哭了。Alfred即眼濕濕提點Judas:「呢啲嘢喺唱歌上面一定有用,日後我希望聽到你唱歌嘅時候,唔再係令台下嘅觀眾愛戴你,真正令到人哋鍾意你嘅係,你係一個有血有肉嘅人。同埋要知道其他人喺某程度上,佢哋為咗自己努力之外,都係為咗你㗎!」說畢Judas即忍不住爆喊,似乎已經明白當中的道理。

隨後Judas就要化身女巫,與Mischa(葉巧琳)、楊甯等人表演《黑魔法愛情研究所》。在這次著重人聲的表演中,導師林二汶邀得好友岑寧兒(Yoyo)編排和音,加上Judas受Alfred評語啟發,她在表演中更見投入,令A組在第四局一致得到評判高度評價,Alfred更直言:「我頭先講嘅嘢冇白費!我覺得你要欣賞自己內在嘅呢啲改變,今日可能係我講完而激發到你,第日未必有呢啲角色出現嘅時候,我都希望你記住今日,希望今次未係去到你要離開嘅一日。」今輪比賽尚餘最後一局,雖然A組取得全勝,大勢已定,但Judas能否保留出線希望仍是未知數,有待明晚(11/12)播出的一集才有分曉。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟