【諸朋好友】林國斌直言曾趕母親下車:好不孝!

(影片截圖)

無綫清談節目由崔建邦與張秀文主持,日前(6日)最新一集仍有方中信和林國斌繼續當嘉賓。席間,林國斌首先透露,自己負得最多的人是爸爸,「尤其是係我老竇,我老竇走咗成廿年,佢走嘅時間係啱啱喺金融風暴之後嘅,變咗嗰段時間我就較為頻撲,同埋博緊命(工作)咁樣啦,變咗冇咁多時間顧我老竇,依家係後悔嘅。」

林國斌表示他曾經在深水埗趕了母親下車,要母親自行搵路:「反而阿媽就仲健在,九十幾歲,要坐輪椅。我好珍惜依家所有嘅時間。我曾經試過一次,到依家仲記得,好唔啱、好不孝咁。有一次,我嗰陣住新界,夜晚出去約咗人飲嘢,阿媽話:『我坐你順風車出去啦!』我話:『好啦!』跟住我車佢去基隆街、深水埗嗰邊。我就衰,去到,搵咗兩個圈,搵唔到。跟住我就話:『阿媽你落車啦,我趕時間。』阿媽望住我話:『我唔識路喎!』我話:『你問人啦!』」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟