被家人催婚 泳兒:冇結婚時間表

泳兒(Vincy)日前接受香港開電視訪問,她透露被雙方家人催婚,但她謂與男友真心相愛的話,結婚並不是最重要,亦不會有時間表。

泳兒(右)接受主播馬梓軒訪問。

泳兒與髮型師男友Ziv拍拖九年,她日前接受主播馬梓軒專訪時,被問到何時有結婚打算,Vincy笑言近年好多人問她這個問題:「我對婚姻係順其自然,尤其是今年疫情,好多嘢都係未知數!我覺得只要彼此相愛嘅話,其實結唔結婚,並唔係最重要嘅事!」不過婚姻除了是兩個人的事,或許也是兩家人的事,Vincy坦言最近常被家人催婚:「兩邊嘅屋企人都有催,特別係今年,唔知點解!不過換轉我企喺長輩角度睇,如果有一日我有小朋友,我都會催佢,所以都諒解嘅!(家人明示定暗示咁催你?)都明示啦,哈哈!會直接問『有冇諗過結婚呀?』咁樣,不過屋企人都畀自由我哋,唔會有時間表!」

談及拍攝新歌《溝渠暢泳》MV,與男主角大跳貼身舞時,男友亦有現身監場,Vincy則表示:「佢唔係監場,佢係監我啲頭髮,哈哈!佢喺度唔會唔自然,反而我會更加做好啲!我覺得工作同感情要盡量分開啲,其實佢最關心係我有冇走光嗰啲,佢都好明白我作為藝人嘅工作,所以自由度好大!」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟