居台香港少女許綽婷主持節目 走遍台灣餐廳尋覓父子溫情故事

香港開電視新節目《台灣絕美餐廳》將於周日(29日)晚上首播,節目由旅遊KOL、居台香港少女許綽婷(Avenna)主持,Avenna將帶觀眾走遍台灣各處擁有絕美風景的餐廳,品嚐不同佳餚菜式,亦會細聽店東父子之間的溫情故事,難怪拍過不少旅遊節目的Avenna,表示今次旅程令她特別難忘、感動!

Avenna透露在節目中走訪的餐廳,大部分店主堅持經營的原因都離不開家人,有的為幫爸爸圓夢、有的希望跟爸爸打造退休生活的王國,當中在新北三芝的一間咖啡店,店主原與爸爸一同打造這間餐廳,但過程中爸爸不幸患病離世,之後店主保留了很多「爸爸的元素」在店內,包括父親所造的原木傢俬、雕刻等,甚至將店名改成WE (ME & DAD ),感覺到每一個角落都充滿着店主與爸爸的回憶。

Avenna說:「傾談過程中,聽得出佢對爸爸嘅思念,呢樣嘢令我非常感動,特別係我寫佢設計嘅明信片時,我差啲喊咗出嚟;其實淨係去飲杯咖啡食個蛋糕,就可以感受到呢一份難能可貴嘅父子情,令我非常難忘。」

另外,問到Avenna游走多間餐廳後,會否令她有開餐廳創業念頭?她表示:「自己能夠做老闆當然最好啦!我成日都幻想如果可以喺香港開間正宗台灣手搖飲料店就好喇! 因為每次返香港,我都會想念台灣嘅珍珠奶茶,奈何香港買到嘅茶底、原料、珍珠等等都同台灣嘅味道有少少出入,希望可以以台灣人習慣嘅味道喺香港開一間舖仔,一解大家思台灣之情,講到尾其實主要係自己真係好鍾意飲珍珠奶茶。」

居台香港少女許綽婷
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟