布志綸加盟新公司 成陳柏宇「師弟」

組合Mr.主音布志綸(Alan)正式加盟Sony Music,成為陳柏宇(Jason)及林奕匡(Phil)「師弟」。Jason更自爆其加拿大保姆亦與Alan相識,可謂十分有緣,又大讚對方是很有才華的歌手。

布志綸加盟新公司,成為陳柏宇「師弟」。
陳柏宇大讚布志綸是很有才華的歌手

Sony Music於新公司內舉行House Warming Party,並由陳柏宇(Jason)、林奕匡(Phil)、黃妍(Cath)、葉巧琳(Mischa)、陳明熹(Jocelyn)及Michael C.以主人家的身份現場獻唱,同時宣布布志綸正式加盟。打頭陣的Phil自彈自唱《安徒生的錯》已令人聽出耳油,接棒演出的Cath及Michael C.演繹謝震廷《你的行李》、Mischa及Jocelyn演繹莫文蔚《呼吸有害》,兩個組合的二重唱方式將歌曲唱得充滿特色,教人份外驚喜。

林奕匡自彈自唱。

接着新加盟的Alan久未在舞台上作公開演出,拿起結他自彈自唱《人在野》,充滿感情的歌聲令網民都不禁狂讚「好聽」。來到壓軸的Jason唱出新歌《感情這回事》後,再與一眾Sony Music歌手演繹《You Are Not Alone》,與現場觀眾一同提早同賀聖誕。Alan也十分期待在新公司的發展,他說:「Sony Music係一個好富有音樂性嘅品牌,希望可以喺度盡情發揮我對音樂嘅諗法。我都好鍾意Sony Music嘅歌手,每個都好有自己Character,希望日後可以同大家合作,做到新鮮有趣嘅嘢出嚟,等樂迷可以聽到更多唔同嘅音樂。」

布志綸加盟Sony Music,與大中華區董事總經理 Andrew Chan 合照。

Alan加入Sony Music這個大家庭,讓眾人都十分興奮,Jason在台上亦自爆跟Alan其實十分有緣,他說:「細個我哋唔相識,但我喺加拿大時嘅保姆,就係Alan去加拿大時租住嘅地牢嘅同一家人,所以我哋有個好close嘅共同朋友。好開心Alan加入公司,佢係一個好有才華嘅歌手,寫得彈得唱得,希望佢喺呢度前程錦繡!」至於Mischa則自爆是Mr.的粉絲,試過在工作場合碰見Mr.都按耐不住,要請同事幫忙問影合照,而且更表現得十分害羞!現在Alan成為同系歌手,Mischa興奮道:「佢唱歌真係好好聽,今日同佢交流過後,真心覺得係一個可以做到朋友嘅歌手。」他亦好期待二人將來有合作機會。

葉巧琳自爆是Mr.的粉絲。

另外,有份參與今年《全民造星3》的Mischa透露,在下星期將會看到她所屬的A2組的演出,她自己也很期待,她分享心情道:「呢一round分組賽都幾辛苦,因為其中一個指定項目要跳舞,除咗ViuTV安排嘅排舞師外,我自己私底下都搵咗跳舞導師朋友幫我去練。好記得因為要兼顧兩個項目,跳舞嗰part仲要練咗好耐,練到周身骨痛,跳到腳跛,不過再辛苦都係值得,因為唔係有呢個比賽,我都唔會挑戰純跳舞嘅演出。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟