Kendy再演音樂劇 重拾校園歲月感覺

組合Robynn & Kendy成員孫曉賢(Kendy)於音樂劇與其他劇團成員打成一片,她指大部份演員都好年青,令她心態都變得好年青,排劇時好有返學的感覺。

Kendy(右)與組合小塵埃首次合作。

Robynn & Kendy於今年三月宣布休團後,Kendy有份參演的音樂劇《小塵大事2.0》礙於疫情關係,延至今晚才正式公演。她六年前曾參與《勁金歌曲 Sing-A-long 3》的演出,事隔多年再被邀參與演出,Kendy表示正能量不只在台上出現,在排練期間亦已漫漫地感染各人,特別是自己,她享受演員之間的互動外,也享受當中的氣氛,Kendy分享道:「演員大部份都好年青,細我好幾年,但可能因為我心態都好年青,所以同佢哋都打成一片,排劇好有返學嘅感覺。」而同場的小塵埃成員Pollie在首演時已經與其他演員混熟,所以今次重演時更見默契,特別在被整蠱時可見一斑,Pollie笑說:「劇中所有演員都識單眼,我就好奇點解個個會識,點知佢哋話報讀演藝學院時面試要識得單眼至可以入去,我起初都半信半疑,但到我相信佢哋所講嘅時候,佢哋先話係整蠱我囉!」

除了與劇團打成一片,Kendy與Pollie亦變得更加親密。Pollie指二人認識多年,但好少好似現在排練會朝夕相見。Kendy亦指今次雖然是跟小塵埃首次合作,但卻十分喜歡Pollie與Jonathan這個組合,因為他們每天都會帶給大家無限歡樂,令到合作過程十分輕鬆,而她與Pollie亦十分投契,Kendy解釋與Pollie都係雙魚座,好多時諗法都好一樣,而且又同樣好情緒化,所以可以傾到好多嘢,所以可以參與演出,是今年好bonus的一個禮物。

音樂劇因疫情演期由今年3月延至11月,Kendy表示一直不知何時可以公演,所以並沒有多了時間準備。而Pollie亦坦言今次演出感覺很不一樣,除了因為Kendy的加盟外,亦因為在2020年實在太少時間跟觀眾接觸。在限聚令期間演出,Kendy與小塵埃更希望觀眾能在短短的兩小時演出裏忘憂,Kendy希望可以等觀眾有啲娛樂,同時亦好想透過這齣音樂劇,帶番正能量給觀眾。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟