慳妹方健儀懷緬中學情懷 豪花近1,850萬購大圍三房新盤

無綫前主播方健儀是出名的慳妹一名,但近日就大破慳囊,豪花近1850萬買下大圍大熱新盤柏傲莊的一個3房單位做業主,她更在fb上分享指,買該地段的單位是因以前所就讀的中學沙田官立中學就在附近,對那裏有情意結。

方健儀表示,30年前啲阿媽最鍾意「就近入學」,所以媽媽的首選,是沙田新田圍邨的循道衛理中學。當時12歲的她不知哪來的勇氣,竟然夠膽和阿媽話自己鍾意讀沙官,「方太由反對、軟化,最終支持,我亦順利升學。不過較為唔方便嘅,係學校的確唔近屋企,每日都要花半個鐘落山,穿過徙置區,橫過當年聞一聞舒筋活絡的城門河橋,大汗踏細汗返學,放學上山更吃力。中午時份,我同同學偶然行去隔離,我稱為鬧市奇葩嘅『青龍水上樂園』餐廳醫肚。

她表示,當時已忽發奇想,如果我可以住喺「青龍水上樂園」就好啦,820分上堂,自己在8時起身都唔會遲到,但當時只係奢望。

她續指,30年後母校屹立不倒,但周圍已經變晒。徙置區消失了,城門河唔再「聞一聞打通任督二脈」,男同學踢波磨薑嘅硬地球場,變成香港文化博物館,而她最懷念嘅「青龍水上樂園」,就變成自己所買新樓盤「柏傲莊」。

她表示:「其實,呢度有少少『青龍水上樂園』嘅影子,同樣係鬧市奇葩,因為啲資料話佢實用得來有莊園美感,有園林花海仲有日式梯田,疫情冇得去旅行喺度感受吓都心曠神怡。之前我參觀過Adrian Cheng旗下的樓盤,每個嘅設計同主題係幾獨特嘅。」

方健儀最後表示,30年前的「就近入學」奢望沒有成真,30年後就讓自實現當年夢,期待在這裡建立安樂窩,每天打開窗戶看到母校,一個讓她打好根基的地方。

方健儀fb圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟