鄧麗欣相隔七年再填詞 同黃貫中有爭論

鄧麗欣(Stephy)親為即將在ViuTV播映的劇集主題曲填詞,亦是首次與黃貫中(Paul)合作。Stephy表示事前很緊張面對阿Paul,但阿Paul大爆Stephy無懼他,二人不時有爭論。

鄧麗欣(左)無懼黃貫中,與對方有爭論。

由鄧麗欣親自為主演的電視劇《男排女將》集主題曲《著地》主唱及填詞,更破天荒邀請到大師級音樂人黃貫中作曲及擔任歌曲監製。Stephy表示《著地》是一首很陽光的勵志歌:「劇集主題係講排球,排球成日有一句說話係『球不著地,永不放棄』,所以副歌都有講到千祈唔好畀個波跌落地,就算跌咗都唔緊要,喺邊到跌低就喺邊個企返起身。」

怕被Paul「退貨」

Stephy早前到Paul的錄音室為歌曲進行錄音,對於今次首次合作,Stephy坦言事前十分緊張:「第一日知道要同Paul合作已經好緊張,仲要我自己寫詞,好驚畀佢Ban我啲詞。中間我哋都有溝通過首歌要點唱,過程中我都好驚自己用詞不當,唔識用音樂語言同佢溝通。」怎料Paul大唱反調笑言:「唔好講到我好惡咁喎,哈哈。我記得我有問過Stephy『呢兩個字係咪差少少音?』點知佢話『冇呀,我唔覺喎』。佢一啲都唔驚我,有時會同我爭論吓,有交流先好呀,唔係我話乜就乜。」

Paul亦不忘大讚Stephy專業,錄音進度比原定預計時間更快完成:「證明掂先會早收工,Stephy比我想像中好好多,我冇必要擦鞋,真說話嚟,佢好舒服地錄晒成首歌,冇需要逐句逐句錄。」已有七年未有填詞的Stephy,今次為新歌《著地》再度「出山」,她說:「其實都有考慮過好唔好自己寫詞,最後因為自己係套電視劇嘅主角,冇人比我更了解個角色,尤其係排球題材,我覺得自己寫返份詞最合適。」她又笑指主要因為冇錢搵填詞人,可以幫公司慳返筆錢。

鄧麗欣親自為電視劇主題曲獻唱及填詞。
朱茵驚喜探班

提到受疫情影響,Stephy經常「Work from Home」在家中有更多時間創作音樂,她說:「因為疫情多咗時間喺屋企,睇多咗書,靈感都會多啲,好似呢首歌詞只係用咗一晚時間就寫到。另外自己都開始練番好耐冇彈嘅鋼琴,都試緊作曲,但只係有節奏喺個心到,未將佢哋拼接埋一齊。」在錄音工作接近尾聲時,Paul的愛妻朱茵親臨現場探班,大讚Stephy唱功了得,在旁的Paul霸氣撒嬌笑說:「我呢?讚埋我啦!」

朱茵(左)到場探班。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟