姜濤拍新歌MV 奉旨街頭拍拖 怕醜到唔敢同女主角四目交投

MIRROR 成員姜濤推出最新歌曲《愛情簽證申請》,遠赴台灣拍攝劇集近四個多月的他昨晚(15日)終於回港,更在機場等待檢疫期間,透過手機欣賞自己新歌 MV 的首播。今次姜濤有份參與新歌填詞及創作MV 劇本,他坦言將自身感受及愛情觀寫進詞裡:「新歌主要講如果一段愛情明知冇結果,你仲會唔會開始呢?我覺得每個藝人,或者好似我哋呢種偶像拍每一次拖都要好小心,唔敢輕易開始一段新感情。唔只係藝人,我覺得依家每一個都要識得去分辨可唔可以對每段戀情負上責任。」

《愛情簽證申請》MV 在台灣實地取景,姜濤曾在直播向隊友透露結識了「台灣女友」,隨著新歌 MV 首播後,台灣「姜女郎」也終於曝光!原來團隊邀請到《超感應學園》同劇女演員林思廷(Tammy)擔任MV 女主角,與姜濤飾演一對甜蜜小情侶在台灣街頭奉旨拍拖。故事情節與姜濤現實背景相似,講述一個由香港到台灣工作的偶像新星,在當地認識了一位完美女孩,展開了一場夢幻與現實交錯的城市冒險。

姜濤在 MV 中與女主角 Tammy 在酒吧中有不乏依偎拖手、深情對望等親密互動,問到有否有觸電的感覺?姜濤害羞表示:「冇呀,我一直望住佢眉心,我驚望住佢對眼會怕醜。佢都有問過我要望我邊到,佢都係好似望我塊面嘅其中一撻地方,過電?今次就應該冇喇。」提到他的理想型女友時,他笑言:「我鍾意嘅其實冇乜特別,但今次出發前阿媽有叫我搵個台灣女朋友,我努力㗎阿媽!」而 Tammy 亦對姜濤讚不絕口,大讚對方有型帥氣:「我們本來在拍戲先認識,他私底下是大男孩的樣子,但這次拍 MV 就看到他偶像的一面,很帥很不一樣!」

姜濤在 MV 中與女主角 Tammy 在酒吧中有不乏依偎拖手、深情對望等親密互動。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟