粉絲約出街 蔡宛珊全Say NO

蔡宛珊(Sarika)於網劇化身天氣女郎,對於劇中有粉絲追求,她表示現真中有粉絲在社交網站約她出街,但她全部拒諸門外。

蔡宛珊於劇中報天氣。

蔡宛珊在hmvod周五推出的新劇《把砒霜留給自己》其中一個單元《看雲的日子》中,飾演電視台天氣女郎「袁彩雲」,戲內蘇宸褕(灰熊)為追求這位心儀女神諗盡計仔,扮外星人又扮識天文學,希望博對方青睞。

蘇宸褕扮外星人追求蔡宛珊。
難背天氣台詞

Sarika覺得今次做天氣女郎的角色幾好玩,難度高的地方係死背報天氣台詞,但她與導演劉翁相識多年,同灰熊又因為合作成為朋友,所以整個拍攝都很順利。Sarika笑言如果真係要擔任天氣女郎的崗位就未必應付到,因她性格坐唔定,喜歡演藝上的工作多變。

願聽美麗謊言

《看雲》劇情指灰熊這個粉絲為追偶像「袁彩雲」而說了美麗的謊言,問Sarika現實中是否可以接受這種大話?她說:「最好唔好啦,我覺得兩個人嘅感情一定要係信任、誠實同埋坦白,但係如果好似灰熊個角色咁,係一開始有少少欺騙,後尾都發現咗唔係嘅,如果兩個人係真心相愛,呢啲小小嘅美麗謊言喺開頭嘅時候真係可以接受嘅,但唔會一路呃住對方,即係最終一定係坦白。」

蔡宛珊與蔡宸褕因合作而成為好友。

Sarika人靚身材正,其實她亦獲不少fans送花送禮,但好彩未遇過狂迷:「最多都係有啲人喺我嘅social media不停send message,好想好想約我出街,我都解釋俾佢哋聽,其實我唔會同埋啲冇見過嘅陌生人出街,但我都多謝所有朋友仔嘅支持。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟