謝高晉球場上鮮有女粉絲

本身亦是現役籃球員的歌手謝高晉,日前接受香港開電視專訪,坦言未能於球場上的英姿吸引不少異性目光,笑言球場上鮮有女粉絲:「希望嚟緊有多啲女仔入場睇波啦,哈哈!記得以前中學打學界比賽,真係有女仔主動過嚟搵我影相,但而家就少啲!(鍾意女仔做主動?)呢樣又冇乜偏好,我覺得呢個年代只要遇到適合對象,唔駛講追唔追,啱嘅時候大家自然會一齊!」

謝高晉(右)接受香港開電視主播馬梓軒訪問。

謝高晉於新歌《慢播》MV中與杜小喬合演情侶,更努力完成女方開貓Cafe的夢想,被問及現實中是否願意為愛付出一切,高晉坦言:「我覺得如果只要搵到一個真係鍾意嘅人,係可以付出無限大!因為付出嘅時候,係唔會去諗回報,最重要搵到一個適合自己嘅人,大家可以互相扶持,呢一樣係最好!」談及錄歌過程,高晉表示相比錄第一首歌時有進步:「今次好咗好多,上次錄咗15日,今次只係錄咗9日!同埋事前我做咗好耐功課,自己對住份歌詞,諗咗好多唔同唱法,但舒文都係覺得未夠好,話要再努力啲。」他謂希望唱功愈來愈好,帶多啲好歌給大家。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟