【全民造星III】彭秀慧爭仔失敗:仆街!

彭秀慧及林二汶於最新一集《全民造星III》同時睇中有獨特性格的參賽者張進翹(Manson),但林二汶最後爭贏,彭秀慧即時大爆叫:「仆街!」

彭秀慧爭仔失敗,一臉愁容,仲不禁大叫「仆街」。

ViuTV大型偶像育成節目《全民造星III》今晚播出第七集,參賽者張進翹被花姐、導師彭秀慧、林二汶一致裁定「心心眼」,花姐指覺得其樣貌似黃家駒,但評判Eric Kwok又認為他似蔣志光加倫永亮混合,27歲的Manson多才多藝,音樂方面更涉獵多個範疇,Saxophone、打鼓、長笛及結他樣樣精,熱愛多種活動的他甚至會於閒時耕田。

張進翹深情獻唱。

但Manson原來背後故事並不簡單,患有抑鬱症的他:「喺呢行其實都好不安定,即係好不穩定嘅感覺,好似永遠都追緊一啲嘢,永遠都冇可能settle到,但係做農夫嘅過程完全係改變咗好多嘢,我哋食嘅嘢,就算係一棵菜,都係要幾個月好辛苦咁樣去種返嚟,先至可以食。其實只要仲活着緊,已經冇嘢可以埋怨,更何況依家我仲有機會可以做自己喜歡嘅嘢,好感恩,雖然真係好老土,但係係真嘅。」

張進翹原來患有抑鬱症。

彭秀慧評論Manson:「佢本身係一個有魅力嘅人,佢又有諗法,佢又有一個好獨特嘅性格,呢個人嘅世界觀係好古怪,異於常人。一個成功嘅表演者係唔單止引領觀眾去睇佢,而係睇到佢嘅世界,Manson係有呢種能力。」兩位導師亦非常賞識Manson,係Manson表演後,搶着撳燈爭Manson入自己組,彭秀慧搶輸大叫:「仆街!」她續指得不到Manson是很大打擊。

林二汶最後爭贏Manson。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟