與劉浩龍上演hehe咀戲 小肥嗌痛苦

劉浩龍(師兄)於網劇與小肥有hehe咀戲,不過小肥話因為場戲是語氣最激的一場,要嗌到聲都沙,所以唔多受落仲話痛苦。

小肥咀向劉浩龍示愛。

改編自《那夜凌晨,我坐上了旺角開往大埔的紅VAN》作家Mr.Pizza之原創短篇、由導演劉翁執導拍攝的十個單元《把砒霜留給自己》,將於本周五(12日)在hmvod上架。周五打頭炮率先推出由劉浩龍及陳漢娜主演的首個故事《交易》。戲中師兄的冬菇頭社團大佬造型,一身懷舊鮮色打扮好sharp醒,但其角色殺人唔眨眼,每次殺人前又要對方簽器官捐贈卡,師兄亦笑說:「其實幾盾,又要殺人又想做好事,呢個大佬真係心理不平衡。」他指要看與小肥的前傳便知原因。

陳漢娜有份演出單元故事《交易》。

師兄所指的前傳,其實係《砒霜》主題曲《砒霜之後》的15分鐘MV劇場版,講述師兄同小肥追隨黑社會大佬葛民輝(阿葛),阿葛因為江湖恩怨遇襲重傷,被仇家搞到成面粉又成身血,最後他傳位師兄小肥,但兩人做話事人後意見分歧,原來小肥一直暗戀師兄,眼見師兄溝女又心酸,結果他鼓起勇氣咀師兄示愛。

阿葛扮社團大佬好有氣勢。

提起這場戲,小肥欲以「痛苦」形容拍攝該場戲:「同師兄爭啲咀係我拍攝嘅第一場戲,所以綵排好耐,痛苦嘅,因為係整個MV畫面同語氣最激嗰場,嗌到聲都沙埋,又唔記得飲水,咁第一場戲大家比較難捉,唔知俾咩反應,但導演指點、試咗好多次,最後出街就係依家咁啦。」師兄則說:「場戲係拱埋嚟啫,角度問題,冇咀嘅構思,都NG咗幾次,但唔係笑,係因為想攞我婉拒小肥個感覺重啲所以NG。」

劉浩龍與小肥上位做社團話事人,夜夜笙歌。

小肥稱除了這場示愛戲外,同阿葛合作亦難忘,因可從對方身上學習,等同袋錢落袋。而小肥的角色雖然暗戀師兄,但有情有義、為愛犧牲,又有好man的時候,是一個有趣的角色,小肥笑言角色跟他本身性格有部分相似:「我有少少man,好多朋友都讚我有情有義,但角色有啲就唔似嘅,我會為愛犧牲,但唔會專登做到反面去令人接受某啲嘢。」

葛民輝成臉粉成身血,小肥與劉浩龍獲阿葛傳位。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟