【全民造星III】誤認彭秀慧為彭家麗 雲浩影:你唔係唱歌嘅咩?

ViuTV大型偶像育成節目《全民造星III》今晚播出第五集,眾參賽者繼續陸續出場參與前哨戰,爭奪50個入圍名額,今晚其中兩位女參賽者備受注目,22歲的參賽者雲浩影(Cloud)在面試時亦鬧出不少笑話,年少的她認錯導師彭秀慧為彭家麗,向彭秀慧問到:「你唔係唱歌嘅咩,係咪《從不喜歡孤單一個》嗰個?」令到彭秀慧一臉尷尬,她又表示從來冇聽過彭秀慧及林二汶的歌。當花姐提到Cloud嘥自己時間時,Cloud又直言:「咁你可以出去做自己嘢先。」令花姐哭笑不得,不過花姐其後提到欣賞她的直率性格。Cloud形容自己為奇形怪狀的異寶,比賽時越級挑戰王菲的《開到茶蘼》,自信滿滿。

雲浩影

 

雲浩影獲花姐欣賞直率性格。

而同樣22歲的楊麗怡(Merry)交來大會面試的個人照片非常性感,惹人遐想,但與真人出入太大,被指P圖過火。花姐直言:「條腿會唔會P得長得滯呀? 」導師彭秀慧都加把口,直接問:「咁個胸有冇P過啊?差咁遠嘅?」但Merry辯駁稱可能係化妝師化妝嘅問題。

 

楊麗怡被指P圖過火。

而Merry在唱歌表演中的表現亦強差人意,花姐更揚言:「我想話,如果佢真係入,我真係返屋企㗎!我專心做返經理人,我以後唔開全民造星!」Merry獲得評判Eric Kwok鬆手藍燈一盞,Eric評價:「我覺得你個樣幾得意,唱歌把聲幾有力,幾有氣。」而評判Joey Tang亦讚賞Merry唱高音時唱得幾好,嚇到導師林二汶喺後台眼眨眨。

楊麗怡的表現亦強差人意。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟