劉沛蘅自爆屋企似動物園 愛犬變保鏢

由劉沛蘅(Hillary)、涂毓麟(Oscar)主持的香港開電視新節目《如果Pet Pet識講嘢》,將於本周六首播,兩位主持會尋訪不同的寵物主人,透過主人與寵物之間的交心相處,分享多個人與動物的感人故事。

其中身為愛動物之人的Hillary,家養三狗兩貓三龜,猶如動物園一樣,Hillary透露雖然家裡貓犬共冶一爐,但牠們相處融洽,她說:「我隻貓囡囡,佢成隻狗仔咁,一啲都唔似貓,好黐我。有一晚我心情唔太好,帶住個壞心情瞓覺,成晚都覺得好熱,第二朝一睜開眼,成大個貓頭喺我眼前,原來佢陪我瞓咗成晚。」另外,Hillary又大爆一次愛犬護主的難忘事:「有一次有朋友行近我, Choco(愛犬)突然好alert(警覺),之後朋友作勢想打我,Choco係咁吠佢、想咬佢。發現原來Choco識得護主。」

至於拍攝期間的趣事,Hillary指最有趣接觸很多她未接觸過的寵物,例如蜜袋鼯,格力犬等等,而第一集亦會介紹無毛貓、帝王蛇蜥,她謂:「其實最難忘除咗要接觸我最驚嘅爬蟲類同兩棲類動物外,仲有就係其中一位寵物主人同寵物相依嘅故事,主人與寵物同時患癌,兩者都要割去脾臟,不過佢哋冇放棄,而且彼此互相支持,為對方努力生存,互相靠依,覺得好感動。今次訪問咗好多嘉賓、聽咗好多佢哋嘅故事,令我有好多得著同反思。」

Hillary指自己家中似動物園。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟