兩個寶貝囡化身軍師教路 林嘉欣拍廣告神速氹掂小演員

一向持家有道的林嘉欣 (Karena) 近期因為工作關係,常常與小朋友一起投入拍攝工作,令她愈來愈了解小朋友心理及行為,加上自己兩位囡囡不時給她教路如何和小朋友溝通,實在令她如虎添翼,就算這日拍攝家居消毒用品廣告時,首次和男童小演員合作亦冇有怕。連帶嘉欣和兩個囡囡也多了共同話題,大家感情更加親密,可以說是意外的收穫。

嘉欣和小演員合作順利。

嘉欣説:「大家都以為男孩子會比較好動活潑,需要多啲時間『放電』,不過若果給予適當指導,佢哋都可以專心一意投入工作,好似今日工作嘅小朋友就好聰明好乖,我哋配合得好好。有時候佢哋唔明白乜嘢叫做工作,咁我就嘗試用佢哋明白嘅表達方式同佢哋溝通,例如話果度有好多雪糕,咁我哋一齊做呢啲動作,然後衝過去攞雪糕啦。」

嘉欣兩位寶貝囡囡 Kayla  Sofie,近日因為疫情原故,多了時間留在家陪伴著嘉欣,嘉欣說雖然囡囡年紀輕輕,但已不時關心媽媽的工作,又會不時充當媽媽的心理輔導員,為她分析小朋友心理,她説:「我屋企好似有兩個兒童心理顧問一樣,佢哋唔會呷醋不特止,重俾埋橋如何處理細路,又會想睇我嘅分鏡頭劇本,又會問小朋友今日乖唔乖,教埋點樣同細路仔溝通,連帶我同兩個囡囡都多咗共同話題,大家感情更加親密,呢個係意外嘅收穫。」

林嘉欣有寶貝囡囡教路。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟