汪明荃花園曬逾百件靚衫 粉絲:可以開服裝展覽!

汪明荃出道逾​50年,珍藏不少服飾。她今日趁天氣不俗,將大量衣物搬出於市值一億的西貢獨立屋的花園曬過百件登台衫。有粉絲留言驚歎:「可以開個服裝展覽!」

汪明荃 IG 圖片
汪明荃 IG 圖片

汪明荃又發文透露兒時的曬衫回憶:「1/11/2020天氣超級好、又係曬衫日。這個習慣由細個個陣己開始、當年住喺北角清華街、一座四層樓嘅舊式樓宇、地下係車房、租出做一間小士多店、仲有頂層一個大天台、我家住3樓,仲有一個騎樓。每年放暑假、媽咪都要我同家姐細佬負責將家中各人的冬天衫、棉胎、等搬上天台去曬太陽、是一個好大嘅工程、仲要連續曬2日 、確保所有衣物都清潔、殺菌、冇蛀壞、冇發霉⋯⋯咁做啲衫就可以著(着)耐啲、襟啲。仲記得曬衫個陣我會擔櫈仔坐定定睇公仔書、武俠小說、因為我要守住/睇住啲衫、驚俾人偷咗呀!……童年的快樂時光。」

汪明荃 IG 圖片

汪阿姐曬衫的數量之多,有粉絲留言指這次曬的大多是登台衫:「原來這是姐衣服歷久不衰的秘訣,可以開個服裝展覽。」

 

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟