蔡明思晒Bra露背拍自家品牌廣告 冇向老公備案

去年升呢人妻的樂壇組合Super Girls成員蔡明思(Jessica),婚後工作量有增無減,日前她以激罕性感造型上陣,為自家品牌手袋拍攝廣告硬照,大晒修長美腿及小蠻腰,期間Jessica更挑戰性感底線,首度在鏡頭前以Bra示人,難怪Jessica甫出場即大叫尷尬,自言是工作中,人生穿得最少布的一次。

Jessica指今次是人生穿得最少布的一次。

Jessica指過往旅行都曾以三點式上陣,不過在工作中要以三點式示人感覺卻不自在,她表示:「旅行喺沙灘,人人都着三點式,自己著會覺得冇所謂,但在工作中,得我一個人著得咁性感,感覺好唔自在,我對工作嘅性感底線比較高,如果只穿三點式開工,我會尷尬同冇自信,所以要我穿三點式的話,我一定要有件衫遮遮掩掩。」問到Jessica在拍攝前可有Keep Fit?她指事前不知道會以性感示人,故毫無準備:「今次拍攝團隊、形象指導師都是合作無間,我好信任佢哋,尤其是形象指導師話出嚟效果好好、健康性感,不斷畀信心我去完成今次拍攝。」

拍攝過程中,最叫Jessica難忘的並非是性感示人,而是穿上大露背短裙「躺卧」在草叢中的一幕,Jessica說:「本身好驚昆蟲,可能細個試過有蟲喺樹上跌落我身上,對任何蟲類都好有陰影。今次瞓喺草叢裡,眼前就係密麻麻嘅雜草同葉,有啲葉上滿布一點點,唔知係蟲卵定發霉,總之見到,我成個身都覺得痕,忍得好辛苦,不過影出嚟效果好靚,總算值得。」

蔡明思在草叢中大晒美腿,但話因為自己驚昆蟲而令最難忘。

問到Jessica今次婚後性感,可有向老公Steven「備案」?Jessica直言工作上的事很少跟老公講,不過她笑言老公屬唯美主義者,對性感的底線比她低,只要是性感的美,老公一定會接受。此外,講到生育大計,Jessica表示仍在進行中:「覺得都係時候,但呢啲嘢冇得強求,唔想畀太大壓力自己同另一半,所以都係順其自然。(想生仔定女?)老公想生仔,佢係傳統觀念,其實生仔生女都唔緊要,最緊要小朋友身體健康,希望我嘅緣份快啲到。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟