江伊晴「疫」市擴充貓酒店:好多人覺得我癲咗!

江伊晴(Elanne)兩年前與朋友合資開設貓酒店,今年「疫」市下擴充業務,她表示不少人指她「癲咗」,靠老公蕭唯展(Oscar)背後的不斷鼓勵,才未有放棄。

江伊晴是愛貓之人。

Elanne今年將貓酒店由細舖搬大舖,她日前接受馬香港開電視主播馬梓軒訪問,分享堅持「疫」市擴充的大膽想法:「呢件事對我嚟講好瘋狂,好多人覺得我癲咗!疫情下最差試過淨係得一間房租出,但點解喺呢個市道下,我仍然想搬間大啲嘅舖,係因為呢兩年,呢盤生意真係令我好開心,好有成功感,幫到好多主人,直至現時有二百幾個熟客!」

雖然疫情下經營困難,但Elanne從未想過放棄,皆因背後得到老公蕭唯展(Oscar)不斷鼓勵,她表示:「佢畀我好大嘅支持,喺生意差嘅時候,我有問佢應該點做!同埋佢都有同我講,話做生意一定有高有低,如果遇到少少難關就話要放棄,咁呢個並唔係我自己!」

江伊晴接受馬梓軒訪問。
睇餐單畀意見

提到Oscar的飲食生意,疫情下同樣受到衝擊,Elanne坦言有關心對方:「我梗係有關心佢嘅工作,因為疫情下啲人少咗出街食飯,生意一定有影響!不過我唔會好擔心,因為佢始終做咗生意咁多年,我會喺旁邊不斷支持佢!同埋疫情期間,佢有問我做呢個抗疫套餐好唔好,然後我就會作為一個普通市民,望吓個餐單吸唔吸引,抵唔抵,喺呢啲情況下畀意見佢!」

江伊晴話會以普通市民睇餐單吸唔吸引,畀意見老公。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟