楊凡親手發掘吳彥祖感驕傲:對香港唯一貢獻!

導演楊凡憑自編自導的動畫《繼園臺七號》,去年於《第76屆威尼斯電影節》贏得「最佳劇本」。他坦言可親手發掘吳彥祖感驕傲:「我對香港唯一嘅貢獻!」他又讚對方多年來都保持美好形象。

導演楊凡(右)接受香港開電視專訪,分享創作點滴。

當年親手發掘吳彥祖拍攝電影《美少年の戀》的導演楊凡,日前接受香港開電視主播馬梓軒專訪,他坦言難忘邀得吳彥祖於《繼園臺七號》聲演:「我好驕傲咁講,我對香港唯一嘅貢獻,就係發掘咗吳彥祖!記得當時成部戲配好晒音嗰陣,聲音設計師同我講有個角色條聲收得唔係幾好,於是我就諗,假如搵吳彥祖配就最適合!點知第二日咁啱吳彥祖打畀我話返咗嚟香港,佢已經有兩年冇返過香港,於是即刻搵佢配音!」

楊凡憑自編自導的動畫《繼園臺七號》,去年於《第76屆威尼斯電影節》贏得「最佳劇本」。

向來視吳彥祖為「兒子」的楊凡,表示彼此關係緊密,亦喜見對方至今依然是許多人心目中的男神:「人梗係會長大,不過我最欣賞吳彥祖嘅就係佢一直保持高尚情操!好多時我哋都希望一個人老都老得靚啲,或者保持一個美好形象,我覺得吳彥祖做到呢一點!」

談及楊凡多年來執導的作品,都不乏男生洗澡場面,他笑言這部動畫亦不例外:「我呢部動畫都有沖涼戲架!之前我有個朋友睇完,想叫我剪走沖涼戲份,我就覺得呢部作品一定要有沖涼戲,等大家一諗到楊凡嘅電影,就一定有男仔沖涼!」他指之前執導的《淚王子》,因為張孝全沒有沖涼戲份,所以被人鬧得好犀利。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟