曾偉明爆無綫傾續約只加50蚊 大嘆:廉價出讓青春!

資深藝人曾偉明於電視節目上透露在無綫以拍動作為主,更大爆當年合約完結前,亞視靠誠意打動他過檔,而無綫只肯加五十蚊薪金,仲話「你唔簽去得邊啊!」,他感嘆十三年係「廉價出讓青春」。

曾偉明(右)爆無綫只肯加五十蚊人工。

曾偉明接受好友苑瓊丹主持的香港開電視節目《開工大吉77》訪問,透露自己是誤打誤撞入行,現仍有戲癮盼遇到好劇本:「世事就係咁,當年陪朋友去考佳視訓練班,佢考唔中我考得中!諗住入行做明星,點知畀人調咗去學做武師,但未做過電視圈,咁咪試吓讀三個月囉。」其後無綫請人,曾偉明又成功考中,從此令他愛上演戲。

曾偉明接受好友苑瓊丹主持的節目《開工大吉77》訪問。
惡形惡相冇感情戲

就話自己「惡形惡相」,多年來都未試過拍「感情戲」:「咁多年都未試過有女伴嘅角色,都係叫我打戲多,所以老婆唔會怕我戲假情真,都冇得嚟真!當年我經常要拍打戲,試過連續兩年都喺八廠(拍動作場面)度日,拍親都係賣埠冇得睇翻,加上古裝劇又花時間,最長試過拍足七日都係計一個騷,簡直係唔抵,我呢十三年係『廉價出讓青春』。」

當年合約將完結,亞視靠誠意打動曾偉明,令他答應過檔:「當年我同發仔(周潤發)去新加坡做舞台劇,我話返嚟先簽新約啦,點知公司拋份合約嚟就話『簽啦,你唔簽去得邊啊!』,仲好闊佬加五十蚊人工,我就點都唔簽住!期間亞視高層專登飛嚟新加坡搵我傾,人工加三倍即時俾訂金,返到香港仲約食飯簽約,第一次感受大明星待遇。」

曾偉明話自己「惡形惡相」,多年來都未試過拍「感情戲」。

現時曾偉明處於半退休狀態,出任村長幫助居民,閒時釣魚打發時間:「依家兒子都好乖,他都明白我返工辛苦,自己未讀過大學,他要幫我完成心願。太太是我的初戀,幾十年來都未與她講過『我愛你』,因為我哋係戲行,越唔講的越真實。」他笑謂今次透過節目被逼示愛,苑仔真係大整蠱。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟