疫情影響冇得見 鄧麗欣同男友做「螢幕情侶」

鄧麗欣(Stephy)今日37歲生日,一班粉絲日前到她自家茶飲店為她慶生。因新型冠狀病疫情,Stephy與男友邱勝翊(王子)只能做「螢幕情侶」,遙距慶祝。

鄧麗欣與男友邱勝翊分隔兩地,只能靠視像慶祝生日。

Stephy的歌迷過往每年都會舉辦生日會為她慶祝生日,可惜今年受疫情影響,未能如常舉行聯歡聚會。不過一班歌迷們仍相當有心,適逢10月11日是Stephy 家茶飲店成立兩周年的大日子,特意在當日到沙田最新快閃店「野生捕獲」老闆娘Stephy,順道為壽星女預早慶祝!

Stephy突襲茶飲店,被一班忠實歌迷野生捕獲。
送茶飲券「回禮」

Stephy當日突襲茶飲店「巡舖」兼為店舖兩周年舉行簡單的切蛋糕儀式,豈料一班歌迷早已在店裏等候壽星女現身,令她非常驚喜。粉絲們慶生亦不忘抗疫,大家謹守規定戴住口罩與Stephy單獨合照,並送上生日卡及小禮物,Stephy 亦有回禮送上茶飲贈券。

鄧麗欣37歲生日,粉絲為她準備花及蛋糕。

對於今年未能與歌迷舉行正式的生日會,Stephy 難免覺得可惜:「原本以為今年未必同佢哋見到面,好開心今日有呢個機會,見個面影張相都好滿足。係有啲可惜,冇得同粉絲玩耐啲同傾偈,但冇辦法啦,因為疫情關係,大家都面對緊呢個問題,張就吓,希望疫情快啲過,或者下年補祝返。」

Stephy為粉絲簽名。

Stephy透露今年慶祝活動一切從簡,只與朋友及家人簡單食飯,願望是身體健康,一切回復正常:「我諗今年好多人都有呢個諗法,平時覺得好正常普通嘅事,今年要得到都唔容易,就算同朋友食餐飯都唔易。」

Stephy今年的慶生活動一切從簡。

提到與台灣男友邱勝翊分隔兩地,已有八個多月沒有見面,Stephy感嘆只能在透過視像慶生,名符其實是一對「螢幕情侶」:「今年佢4月生日我哋已經冇得見面,唯有視訊慶祝,我整咗個蛋糕喺螢幕前同佢慶生,唔知佢今次會唔會都係咁做呢?」她表示要維繫遠距離戀愛是一門很高深的學問,秘訣是彼此的「信任」:「好多經歴過『Long-D』嘅朋友都明白,維繫真係冇乜其他方法,只能每日互相分享自己嘅生活日常,大家信任程度高啲,即使有地方上嘅距離,但個心嘅距離都唔會太遠。」

鄧麗欣感嘆與男友邱勝翊做「螢幕情侶」, 只能透過視像慶生。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟