唱作歌手陳健安（On 仔）近日雖忙於為11月1日至7日「本原祭」《陳健安2020以青春之名演唱會》綵排，但他仍然藉空檔埋首苦幹創作新歌，最新作品《時光邊緣的人》MV導演更厚待On仔，為他安排了四位女朋友，可惜MV男主角卻另有其人，On仔解釋説：「雖然近排真係好忙好緊迫，不過我都有問導演需唔需要我親身上陣拍MV，但最緊要係觀眾可以投入個戲，唔想因為我嘅出現而轉移咗個戲嘅焦點，所以MV有冇我做，我係持開放態度。」
不過事後On仔在個人社交帳號上回應歌迷留言時卻幽默地說：「點解今次唔親身上陣拍 MV？我唔想俾人見我着孖煙囪，我怕醜！」可能這才是真正的原因。
On仔說自年初的《未知道》起計，經歷《廢學》到今年的第三首作品《時光邊緣的人》都風格各異，但三首作品內𥚃都有一個隱藏的故事，他說：「《時光邊緣的人》係講一個不老不滅嘅人，睇盡晒時代嘅興衰、和平與混亂，亦因此不斷經歷一位又一位深愛嘅人離世嘅痛苦。佢知道每一個佢愛嘅人都會離開，但佢會放棄去愛，定係勇敢面對呢，當中係有唔少嘅掙扎。好多謝男主角阿銘、女主角鍾雪（商台叱咤903 DJ）及 Berlinda、Kit Man、Wing 喺MV入面代表唔同年代嘅演出，希望觀眾都感受到MV故事所表達嘅情感。」
【#有禮送】下載 @ 流動新聞 📱手機APP！玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎！🤟
