馮允謙山上拍MV 天雨路滑險跣落山

唱作歌手馮允謙(Jay Fung)早前為新歌拍攝MV時,上山落山跑到身水身汗之餘,因為天雨路滑,在山頂自彈自唱時更差點跣落山,令他抹一把汗。

馮允謙在崖邊獻唱,心驚膽顫。

Jay的新歌《A New Day》與之前兩首冠軍歌《地球來的人》及《開始倒數》截然不同,新歌比較勵志,勉勵大家不要放棄,一切都可以重新開始重頭嚟過,他說:「今次同之前好唔同,唔再講未來世界,不過冇特技幫助之下,上山落山全部要自己完成,拍嘢同平時行山好唔同,可能同一段小路要來來回回行好多次,而且要攞住個木結他,所以一上一落真係跑到大汗疊細汗。不過最緊張係因為之前落過雨,山路崎嶇濕滑,有個鏡頭需要我企喺山坡頂一舊大石上面自彈自唱,當然個心其實好驚,因為前面就係山崖,但個地下好滑,所以我左搖右擺時都要就住力,否則大風一吹就會跣落山。」

山路崎嶇濕滑,馮允謙步步為營。

其實因為天氣不穩定,而MV又需要分別拍攝日出和日落,所以當朝早拍完日出,回程時下著大雨時,大家都非常緊張傍晚的日落戲份是否可以順利拍攝,但Jay Fung緊張的卻是另一件事,他解釋:「好緊張呀,因為導演幫我借咗一架跑車演出,我要揸住架車上山,咁山路又窄,我怕撞親㗎車啫。雖然我有國際車牌,喺加拿大時日日都揸車,但喺香港完全冇揸過,所以知道要拍揸車戲我都有啲緊張,之前一晚雖然八九點就瞓覺,但結果都係瞓唔著,拍完日出又拍日落,十幾個鐘冇瞓體力好透支,不過好開心今日出現咗兩個奇蹟,第一個係拍日出時,到現場重係烏雲密佈,但一開機就太陽出來了;第二個奇蹟係坐車去拍日落時本來重係好大雨,但去到一落車就好好天,上到山重見到個好靚嘅日落,真係辛苦都值得。」

馮允謙驚都要頂硬上。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟