許靖韻拍MV 憶甜蜜回憶爆喊

許靖韻(Angela)今日推出全新廣東作品《謝謝對不起》。她坦言拍攝新歌MV時,有想過到自己拍拖的回憶而當場爆喊。

許靖韻拍新歌MV,想起自己的真實甜蜜回憶。

Angela早前為新歌《謝謝對不起》,於一間小木屋拍攝MV,故事由情侶間日常的甜蜜互動,到發現男生另有別人,大鬧分手,分手後回憶過去的畫面,都一一於MV中呈現。對於歌曲的失戀階段,Angela坦言很有共鳴:「雖然係好可惜,但時機唔啱,太遲挽留,亦都冇轉彎嘅餘地。謝謝對不起,係有啲諷刺。」她亦坦言MV中有一幕是自己真實故事:「MV有一幕係喊住睇番舊時嘅回憶,自己現實生活中有試過咁樣,但拍MV嘅話,第一次喊到咁慘。」

除此之外,Angela表示自己最鍾意自彈自唱部份,因為很有童話感覺:「導演將我嘅畫面拍到特別有童話風格,同男主角嘅互動又拍得好唯美浪漫,真係好多謝佢。」

許靖韻讚MV拍得唯美。

MV其中一幕是Angela在畫畫,男主角在彈結他,Angela坦言其實自己不太識畫畫,希望冇沒有露底,不過亦希望自己會有這種氣質。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟