【開工大吉77】車保羅大爆離開演藝圈 全因一個「大話」!

(官方圖片)

早已息影的前藝人車保羅日前亮相香港開電視節目《開工大吉77》,席間更大爆當年轉行原因,原來跟一個「大話」有關!

當年隱暪公司「秘撈」拍電影,最終被揭發而令車保羅事業出現危機:「當年有人搵我拍戲,咁我就呃公司『生疱疹』,要去北京醫病,咁公司梗係比我走啦!到我拍完返香港,葉蒨文喺機場東面出,我就行西面啦,點知佢見到記者要做訪問,就話剛剛同完亞視嘅車保羅拍戲,咁就成件事都穿晒。最終都要返公司認錯,最終被人扣一個月糧,同時又比稅局查封啲戶口,我當時心諗真係玩完喇。」因為「講大話」而離開電視圈,其後轉戰影壇,亦因為誠信而令事業跌入谷底:「當時因為冇錢請助手,自己又冇Mark清楚檔期,最終搞到失場,呢啲醜事傳千里,開始冇人搵我,靜咗足足六個月,我都開始諗吓係唔係要轉行先得。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟