60年老字號公和荳品月底結業 張建聲嘗鎮店三寶尋回憶

張建聲日前到九龍城拍攝網上節目《遺失‧港味》,今次攝製隊拍攝的是將於本月底結業的香港老字號公和荳品廠。公和在港開業已有60年歷史,這間老字號經歷多次高低起跌,過去一年捱得過疫情、社運,卻敵不過地產商收購重建的一關。

該店至今依然保持了紙皮石牆身,用的是收錢竹籮,張建聲和 KOL 拍檔 Annabelle 在拍攝當日看見這些具舊香港特色的物品和裝潢,又品嘗了該店的馳名三寶包括古法瓦缸豆腐花、石磨豆漿及煎釀豆腐,但又明知眼前一切即將消逝,湧起的童年回憶都帶着感觸。兩位主持跟店舖老闆娘、公和第四代傳人潘影兒閒談時,潘女士說到不捨之處亦眼紅紅落淚:「幾年前已經知道會有咁嘅一日,希望自己唔好太過傷心,但當知道有個期限嘅時候,真係好痛苦。」

張建聲係波牛,小時候常去九龍仔公園踢波,路經九龍城總會幫襯公和,所以這家荳品店給他滿載回憶,「一間咁古老嘅舖頭,無論係疫情、社運、舖租或者收樓嘅問題而結束,都係非常可惜,因為呢間荳品廠真係由細細個食到大。細個時踢波,同成班 friend 經過點都食番轉,做埋呢個訪v 問後,更加體驗到老闆娘嘅不捨,有啲嘢唔係用錢去衡量,睇到老闆娘對呢間舖嘅回憶,好似失去一個親人咁心痛!冇辦法啦,社會愈嚟愈進步,好多嘢會淘汰,我哋唔好到最後一刻先去回味,應該活在當下,想去嗰個地方就去,如果一等再等,驚之後再冇機會。」

公和對於不少港人都並不陌生,拍攝日有很多專登前來幫襯及打卡的新舊街坊,張建聲和 Annabelle 在店內都有同老闆娘合照留念,把回憶永留照片上。

張建聲和老闆合照
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟