【開工大吉77】施明大讚鼎爺廚藝了得:盡得佢父親真傳

(官方圖片)

息影藝人兼李家鼎(鼎爺)前妻施明,日前應邀出席了香港開電視節目《開工大吉77》訪問,席間與好友苑瓊丹暢談舊事。其實施明早在2006年左右已經絕跡幕前,訪問間表示過想復出:「我好想拍番戲,冇戲癮又點入行呢?當年霑叔係我姨丈,佢話我讀乜鬼書,天生就係做戲,咁我咪叫佢介紹囉,佢一口拒絕話邊有自己人帶親戚入行,叫我考訓練班。不過讀緊訓練班時,有個導演睇中邀請我拍戲,所以一入行就拍電影。」

施明大讚前老爺廚藝了得,鼎爺盡得真傳:「佢煮嘢食同書法都好得,所以李家鼎都好叻。以前就我負責煮飯嘅,慢慢就變工人煮,所以都唔記得晒啲食譜,而佢就有朋友嚟先去廚房露兩手。頭先苑仔問我有冇諗過復合,我都唔知點答,有冇諗過都答唔到,至於佢有冇明示暗示,我唔知㗎!我份人糊糊塗咁,有時講到白都聽唔清楚㗎,我唔係乍癲扮傻,一向都係傻傻地。佢係我前夫,再見做番朋友?我做唔到,但佢又係我嗰仔嘅爸爸,咁即係親人囉。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟