林雪抗拒扮古天樂︰擔心以為我整蠱佢

林雪早前化身「項雪龍」,於中環為銀行拍攝廣告。林雪指有客戶總喜歡找他扮古天樂(古仔)時,都有種抗拒:「我應該開心都嚟唔切,其實又好擔心古仔以為我整蠱佢。」

林雪化身「頂雪龍」拍廣告。

林雪在廣告中的造型似曾相識,扮演的正是經典港劇《尋秦記》主角項少龍,這個肥了一倍的「項雪龍」穿越中環海旁,在摩天輪及渡海小輪旁邊上演一輪「尋輪記」。曾跟古仔在多部電影合作過的林雪說:「唔知點解,啲人總係好鍾意搵我扮古老闆,之前又唱又跳佢嘅經典歌,依家又被安排做佢經典嘅古裝角色,每次聽到呢啲要求,都有種抗拒。你要我扮古仔,我應該開心都嚟唔切,好似覺得我都有佢咁靚仔咁,嘻嘻,其實又好擔心古仔以為我整蠱佢。」

林雪不時被邀請扮古天樂,但他坦言拒抗。

當然,搵得林雪扮鬼扮馬,都係以搞笑做賣點,今次廣告故事一開始就係着住古裝的林雪由古代穿越現代,拎住張「藏輪圖」去中環碼頭搵個「輪」,但既非摩天輪又非渡輪,還未輪完他已經人有三急,之後就遇上女主角幫他尋找窩輪;而廣告對白唔少得林雪最為人所樂道嘅粗口諧音,包括介紹窩輪產品時嘅「乜輪都有」等,廣告公司更加唔知有心定無意,借用林雪網上點擊率累積高逾500萬次的《向西聞記》單元《碌架床》入面一段老爺瀨屎的橋段,不過呢次唔係瀨,係痾。林雪表示:「有時唔係屎尿屁呢啲就等於好笑,畀我有得揀我都唔想成日瀨屎瀨尿,不過既然逗得大家開心,一次半次就算啦。」

林雪拎住「尋輪圖」,在中環究竟搵「乜輪嘢」呢?

今次廣告同林雪做對手戲嘅女主角,廣告商決定用番自己人──有「銀行界周冬雨」之稱嘅林恩。一向有在財經直播節目亮相的林恩,今次面對演戲經驗豐富的林雪本來相當緊張,幸得林雪及導演等悉心指導下,總算順利完成。

林雪今次與有「銀行界周冬雨」林恩合作拍廣告。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟