楊明否認醉駕︰分神而導致「搶軚」

楊明今晨於馬己仙峽道駕車時發生意外,其座駕車剷上路邊石墩。有指他涉嫌酒後駕駛,要由兩名警員攙扶上車。楊明接受無綫節目《東張西望》視像訪問否認駕車前曾飲酒,並解釋當時因為分神而導致「搶軚」,意外後令家人女友擔心不已。

楊明接受《東張西望》視像訪問。(電視截圖)

楊明於節目中進行視像訪問講述事發經過,他稱當晚凌晨一時許揸車返回工作室看劇本時,在馬己仙峽道一個彎位「搶軚」後,撞埋石墩欄杆:「可能呢排比較忙同夜瞓,揸車時分一分神。其實嗰一刻撞已經可以話係斷咗片,短暫冇咗嗰段片,所以點樣撞同埋點樣停,我都唔係好清楚。」他表示車禍時撞傷頭部並見暈,亦撞到盆骨,於公立醫院做初步的電腦掃描及照X光後並冇大礙,但無綫仍希望他到私家醫院做詳細的電腦掃描。

楊明透露撞車後曾斷片。(電視截圖)

對於報道指他曾飲酒,拒絕做酒精測試又要警員攙扶離開。他解釋說:「其實我當時撞完車之後比較暈,唔係太清醒嘅狀態,所以嗰一刻可能做唔到酒精測試。警方當刻淨係想救我出嚟,因為我架車晾咗喺山邊,有一定嘅危險性,所以佢要救我出嚟,評估狀態都係送我去醫院。」他又對事件造成公物損毀感到深感抱歉,但慶幸沒冇撞傷人。

楊明坦言家人及女友莊思明(Lisandro)亦有為此事擔心,他說:「媽咪想即刻過嚟醫院探我,我唔想佢咁奔波。Lisa就嚇死佢。」他指事件已交由律師處理。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟