雷深如阿King「焗」住傾音樂

雷深如(J.Arie)為發掘廣東歌不同的可能性,日前邀CAllStar的吳崇銘(DJ King)製作新歌Remix版本。她透露到閈前對方的錄音室聽新版本時,二人要「焗」住傾對音樂的睇法。

雷深如(左)與阿King「焗」住傾對音樂的睇法。

J.Arie的新歌《雙面哈菲》繼推出Trap Remix後,再找來DJ King製作EDM Remix版本。她透露同CAllStar四子在之前的不同場合各自有傾計,都知道他們各自係的性格:「佢哋solo之後,其實一直都有留意DJ King嘅動向,因為佢最愛係EDM,可能係全球趨勢,但係廣東歌比較少有呢種風格,所以好值得欣賞。」她又讚賞阿King打碟時好型,會忍不住望着對方。

她表示今次搵不同音樂人做Remix,是想發掘廣東歌不同的可能性,亦都放心他們自由發揮:「鍾意改編到幾癲就幾癲,任玩唔嬲!有次上咗DJ King studio諗住聽Mix,一入到門口,我哋驗證咗我哋頭髮嘅顏色,竟然係不約而同地一模一樣!嗰次佢studio整冷氣,喺完全冇冷氣嘅情況下我哋傾吓傾吓,竟然都傾到好多嘢,講咗好多關於價值觀、世界觀、對音樂嘅睇法,同埋對自己路向嘅睇法。傾完之後真係覺得DJ King個人其實都幾哲學同埋幾deep,同埋覺得真係好hot,因為冇冷氣真係好hot囉!」

雷深如(右)與阿King有交流不少。

除左這兩個remix version外,J.Arie日前都有於社交網站上載《雙面哈菲》的Live Acoustic Demo Version,她坦言希望大家可以知道寫這首歌的Demo時是完全不同感覺:「嗰時編曲未有電音,只有琴、結他、弦樂,又係另外一個版本!」她續謂最近都有做一個民間招募《雙面哈菲》,有不少平時拍開cover片擺上網的人踴躍投稿:「因為『哈菲』係有好多面㗎嘛!」她希望鼓勵大家可以做一個屬於自己的「哈菲」版本。

雷深如(左)的《雙面哈菲》的Live Acoustic Demo Version。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟