陳柏宇線上音樂會逾萬人睇 樂曲高質到似錄播網民大讚

陳柏宇(Jason)昨晚於其個人YouTube頻道舉行 線上音樂會,與同公司的小塵埃(Lil Ashes)、葉巧琳(Mischa)、黃妍(Cath)及 Michael C 大玩Crossover,獻唱了十首作品,吸引逾萬網民同步在線收看。網民看到整個音樂會的高質製作,都一度誤以為是錄播,結果要Jason即場報時,大家才相信是在真正開Live

陳柏宇於網上舉行直播音樂會。

今次《YouTube MUSIC NIGHT with JASON CHAN 陳柏宇》於一黑膠唱片店中舉行,製作模式有別於過去在正規演出場地,所以製作團隊早在三個月前已開始構思所有細節,如燈光、空間運用、鏡頭調度等,所有細節都一絲不苟,而Jason亦親力親為,在整個製作上都提供了不少意見,所以在昨晚的音樂會裡,除了眾歌手服飾經過悉心配襯統一感覺外,彷如MV 的畫面、媲美大型演唱會質素的混音效果,以至獻唱歌單都經過細心挑選,例如歌單中刻意將小塵埃的《幻愛》與Jason自己的side track作品《Imaginary Love》放在一起,就好像相互呼應;除此以外,Jason 特別唱出過去較少現場演繹的《想創》、《所多瑪城》及《交叉神經》,也叫網民萬二分驚喜。

其實在音樂會前段曾發生了一段小插曲,就是網民看到如此高質的演出時,一度以為音樂會是以錄播形式進行而有所疑問,結果要工作人員即時在JasonIG帳戶裏開live展示現場演出實況,然後Jason又於音樂會尾聲時親自報時,大家才恍然大悟,更紛紛留言道:「rundown too smooth唔似live」、「個production勁到令人以為唔係live,係好事xd」。

Jason落力演出。

除了製作高質教網民驚喜外,Jason 於昨晚的音樂會上,亦首度公開新作《感情這回事》,這是Jason 2020 年首支全新作品,有網民聽到後都表示「情歌王子番(返)嚟啦!」至於有關新歌《感情這回事》的詳情,敬請留意 Jason 於社交媒體的官方帳戶發布。

對於今次一同線上開 LiveJason 表示:「緊張但開心,最主要因為好耐冇做咁大型嘅 Show,唔講唔知,呢個 Show 嘅籌備以至器材,都足以撐到一個小型體育館嘅演出場地。我好滿意今次嘅演出,雖然仍有甩漏,但演出前一晚同大家綵排到3點,然後演出前又再綵排多兩次,大家都冇瞓過,都算係咁,希望日後開Live都可以Keep到呢個水平。」Cath也坦言十分緊張,她說:「因為實在太耐冇開 Show 會緊張,但我哋除咗喺場地綵排外,我哋亦事先喺Studio由頭排咗好多次,所以係一個好好玩嘅經歷。」

黃妍擔任演唱會嘉賓。

Jonathan@塵埃透露了今次演出的細節:「其實今次歌單與流程都經過精心設計,每首歌都是重新編曲,合唱的選擇亦有細心思考過,所以係用咗好多心機去完成整件事。」Pollie@小塵埃則很感恩有這次演出機會,說:「其實不論一齊合作嘅人,或者係拿喺手上唱歌用嘅咪,都係好耐冇接觸過,係好久違嘅感覺,所以份外珍惜。」

陳柏宇與小塵埃合唱《幻愛》及《Imaginary Love》。

MischaMichael C都認為今次是一個畢生難忘的回憶,Mischa 說:「我差不多成年冇唱過Live,所以特別緊張,同Jason合唱時都唔敢望佢,只係喺度自我陶醉,因為怕望咗佢的話會唔記得歌詞,哈!因為疫情關係,Live Performance(現場演出)好少,所以難得可以咁大班人聚埋一齊,係2020年裏面一個好好嘅回憶。」Michael C說:「我第一次同咁多師兄師姐玩咁大型嘅Live,最難忘係綵排時大家都做保護措施,戴晒口罩去排練,令到成件事嘅回憶更加特別。」

陳柏宇後與葉巧琳合唱《交叉神經》。

JasonJonathan Michael C更希望告知各位樂迷:「呢個係Live嚟!點解唔係Live呢?因為實在做得太好,Visual做得太完美,不過呢個先係應有嘅水準,如果你有質疑呢個係咪Live演出,就證明我哋呢個係一個好嘅演出啦!」大家更說要多做,Jason笑言這就要Jonathan任冠名贊助,才有這樣的機會。

一班歌手落力演出。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟