溫碧霞暢遊上海迪士尼 只買手信畀囝囝老公冇份

溫碧霞(Irene)目前仍身在上海,完成14天隔離後,一口氣完成了兩個活動,昨日(18日)馬上獎勵自己,向公司申請了假期到上海的迪士尼樂園遊玩了一天,笑言童心未泯,好鍾意到主題樂園影相及玩機動遊戲,買了T恤、文具及玩具給囝囝Xavier作手信,而老公Kenny就:「冇買呀,今次冇佢份,好多紀念品好靚好啱Xavier,只係掛住買畀Xavier,唔記得買畀Kenny,哈哈!」

本港今日凌晨時份打9號颱風,Irene驚訝說:「好誇張呀9號風球,大家要小心安全保重呀,不過上海天氣好好,陽光普照,每日都好好天,我真係好好彩,去到邊處都咁啱遇着好好天氣。」

Irene表示上海疫情雖然依然零個案,但迪士尼樂園都繼續做足防疫措施,每日控制入場人數,進入園區時要量度體溫及戴口罩,好多地方都設有消毒搓手液及棄置口罩專用的垃圾桶,樂園的排隊區都有貼上標示,提醒入場遊客保持安全距離:「我見大家都好守規矩,排隊時都會自動自覺保持一個半身位距離,人流亦控制好好,可能上海迪士尼地方好大,完全唔多人,有啲空曠及人少地方,有啲人都冇戴口罩,不過人多的地方,大家都好自律會戴番口罩。」

溫碧霞充滿童心。
Irene一個人玩盡迪士尼。
Irene趁機影靚相。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟