溫碧霞上海隔離玩煮飯仔 教煲女神滋潤養顏靚湯

溫碧霞(Irene)為了工作目前仍在上海接受隔離,但她已在酒店完成了一星期隔離,日前已搬到朋友空置的寓所進行尚餘的一星期,Irene的隔離日子完全不愁苦悶,睇書、睇劇本、做運動,近日搬到朋友家後,更加開心到下廚玩煮飯仔煲靚湯。

溫碧霞親自下廚煲靚湯。

Irene十分感謝朋友借出空置的寓所讓她在非常舒適環境隔離,由於在酒店每日三餐都是吃飯盒,已經吃到有點悶,來到朋友寓所見到有廚房非常興奮,馬上大顯身手下廚煲女神最愛的靚湯,仲自拍短片跟大家分享女神養顏靚湯秘方。

溫碧霞在上海隔離期間睇書。

習慣每日都飲湯的Irene,終於飲到熱辣辣的老火湯,非常之開心:「今日介紹大家,我喺屋企成日都好鍾意飲的靚湯,木瓜、豆腐、雪耳、三文魚、雞腳、花生,養顏好味,又可以保養皮膚,非常健康,尤其是女仔,依家多咗時間喺屋企,大家可以煮下飯仔,煲下湯。」她笑言日前入住第一日,已忍不住馬上煲最愛的雪耳湯:「材料有雪耳、紅籮蔔、粟米、菇、豬骨,我的最愛靚湯超好味。」

溫碧霞煲最愛的雪耳湯。

Irene並謂女孩子要多喝湯,皮膚就會好:「平時工作太忙,都係工人煮飯,真係好耐冇自己下廚啦,好難得隔離緊都可以煮飯仔,而且一個人對住咁大間屋太無聊,叫外賣嚟到凍曬,所以自己煲湯煮下嘢食,因為我唔可以出街,全靠上海的朋友幫我買餸,放在門口,上海人真係好好,好感激幫我買餸及借屋給我的朋友。」她表示倒數還有三天,815日就可重獲自由,之後隨即開工,已有連串工作等著她,但她也會做足防疫措施不會鬆懈。

溫碧霞大晒長腿。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟